ଚନ୍ଦାହାଣ୍ଡି : ନବରଙ୍ଗପୁର ଜିଲ୍ଲା ସରପଞ୍ଚ ସଂଘ ସଭାପତି ତଥା ଚନ୍ଦାହାଣ୍ଡି ବ୍ଲକ ମୋହରା ଗ୍ରାମ ପଞ୍ଚାୟତ ସରପଞ୍ଚ ଜଳନ୍ଧର ମାଝୀ ଆଜି ବିଧିବଦ୍ଧ ଭାବେ ବିଜୁ ଜନତା ଦଳରେ ସାମିଲ ହୋଇଛନ୍ତି। ଆଜି ନବରଙ୍ଗପୁର ଠାରେ ଆୟୋଜିତ ବିଜେଡି ଜିଲ୍ଲା କାର୍ଯ୍ୟକାରିଣୀ ବୈଠକରେ ନବରଙ୍ଗପୁର ଜିଲ୍ଲା ବିଜେଡି ସଭାପତି ତଥା ନବରଙ୍ଗପୁର ସାଂସଦ ରମେଶ ଚନ୍ଦ୍ର ମାଝୀ ଙ୍କ ଉପସ୍ଥିତି ରେ ଜଳନ୍ଧର ମାଝୀ ଙ୍କୁ ବିଜେଡି ର ପ୍ରାଥମିକ ସଦସ୍ୟତା ପ୍ରଦାନ କରାଯିବା ସହ ଦଳରେ ସ୍ବାଗତ କରାଯାଇଥିଲା। ଏହି କାର୍ଯ୍ୟକ୍ରମରେ ଏସଡିସି ଉପଦେଷ୍ଟା ପ୍ରଦୀପ ମାଝୀ, ଝରିଗାଁ ବିଧାୟକ ପ୍ରକାଶ ମାଝୀ ,ଡାବୁଗାଁ ବିଧାୟକ ମନୋହର ରନ୍ଧାରୀ, ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ, ଓଏଲ ଏସି ଉପଦେଷ୍ଟା ପ୍ରମୁଖ ଉପସ୍ଥିତ ଥିଲେ। ପ୍ରକାଶ ଥାଉକି ଜଳନ୍ଧର ମାଝୀ ବ୍ୟାଙ୍କ ଚାକିରୀ ଛାଡି କଂଗ୍ରେସ ରେ ଯୋଗଦେଇ ଝରିଗାଁ ବିଧାୟକ ପ୍ରାର୍ଥୀ ଭାବେ ରମେଶ ମାଝୀ ଙ୍କ ଠାରୁ ପରାସ୍ତ ହୋଇ ଥିଲେ । ଏହାପରେ ସେ ବିଜେପି ରେ ଯୋଗ ଦେଇଥିଲେ।