ରାଇଘର : ନବରଙ୍ଗପୁର ଜିଲ୍ଲା ରାଇଘର ବନ ବିଭାଗ ର ସଫଳତା ଏକ ଜୀବନ୍ତ ବଜ୍ରକାପ୍ତା ସହ ମଟର ସାଇକେଲ ଜବତ, ଜଣେ ଗିରଫ। ସୂଚନା ପ୍ରକାରେ , ୨୧ ତାରିଖ ଶୁକ୍ରବାର ଦିନ ରାଇଘର ଓ କୁନ୍ଦେଇ ବନ ବିଭାଗ ପେଟ୍ରୋଲିଙ୍ଗ କରୁଥିବା ବେଳେ ସନ୍ଦେହରେ ହାଟଭରଣ୍ଡି ରାସ୍ତା ନିକଟରେ ଗୋଟିଏ ବାଇକ୍ କୁ ଅଟକ ରଖିଥିଲେ । ଏକ ବସ୍ତା ରେ ବଜ୍ରକାପ୍ତାକୁ ଧରି ୨ ଜଣ ବ୍ୟକ୍ତି ଛତିସଗଡ ରାୟପୁରକୁ ଚୋରାଚାଲାଣ କରୁଥିବା ଜଣାପଡିଥିଲା । ଘଟଣା ସ୍ଥଳରୁ ଜଣେ ଚମ୍ପଟ ମାରିଥିଲା। ଗିରଫ ବ୍ୟକ୍ତି ସଂଜିତ୍ କୁଲେସିଲା କୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ଡୁମାଗୁଡାର ବୋଲି ଜଣାପଡିଛି! ଉକ୍ତ ବଜ୍ରକାପ୍ତାର ଓଜନ ୬.୮୦୦କେଜି, ଲମ୍ବ ୧୦:୪୭ ଓ ଆନୁମାନିକ ମୂଲ୍ୟ ୧୨ ରୁ ୨୦ ହଜାର ହେବ ବୋଲି ରାଇଘର ରେଞ୍ଜର ତନୁଜା କାର୍ତିକ ସୂଚନା ଦେଇଛନ୍ତି। ଉକ୍ତ ବଜ୍ରକାପ୍ତା ୨୧ ତାରିଖ ରାତିରେ ଧରାଯାଇଥିଲେ ମଧ୍ୟ ଗିରଫ ବ୍ୟକ୍ତିଙ୍କ ଘର ବହୁତ୍ ଦୂର ହୋଇଥିବା ସହ ବନ ବିଭାଗ ଅଧିକ ତଦନ୍ତ କରୁଥିବା ଦୃଷ୍ଟି ରୁ ଆଜି ୨୪.୭.୨୩ ତାରିଖ ଦିନ ପ୍ରେସ ମିଟ ଜରିଆରେ ସୂଚନା ଦେଇଛନ୍ତି।