ଯାଜପୁର, (ନି.ପ୍ର) : କାର୍ଯ୍ୟରେ ଅବହେଳା, ଅନଧିକୃତ ଭାବେ ଛୁଟିରେ ରହିବା ଓ ଉପରିସ୍ଥ ଅଧିକାରୀଙ୍କ ଆଦେଶର ଅବମାନନା ଅଭିଯୋଗରେ ଜିଲ୍ଲା ଗ୍ରାମ୍ୟ ଉନ୍ନୟନ୍ନ ସଂସ୍ଥାର ବରିଷ୍ଠ ରାଜସ୍ୱ ସହାୟକ (ଏସ୍.ଆର.ଏ) ରୋଜାଲିନ୍ ଦାସଙ୍କୁ ସୋମବାର ଜିଲ୍ଲାପାଳ ରଂଜନ କୁମାର ଦାସ ନିଲମ୍ବନ କରିଛନ୍ତି । ଓଡ଼ିଶା ସିଭିଲ ସର୍ଭିସ ରୁଲ ୧୯୬୨ର ରୁଲ ୧୨ ଅନୁଯାୟୀ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ନିଲମ୍ବନ ସମୟରେ ତାଙ୍କର କାର୍ଯ୍ୟସ୍ଥଳ ଜିଲ୍ଲାପାଳଙ୍କ କାର୍ଯ୍ୟାଳୟକୁ ସ୍ଥିର କରାଯାଇଛି ବୋଲି ଜିଲ୍ଲାପାଳ ଶ୍ରୀ ଦାସ ଆଦେଶ କରିଛନ୍ତି ।