କାଲିମେଳା : କାଲିମେଳା ଥାନା ଅନ୍ତର୍ଗତ ଗତ ୧୪.୧୧.୨୦୨୪ ତାରିଖରେ ମିଳିଥିବା ମୁଣ୍ଡ ବିହୀନ ମୃତ ଶରୀରର ପରିଚୟ ମିଳିଲା, ହତ୍ୟା ହୋଇଥିବା ବ୍ୟକ୍ତି ର ନାମ ପଦିଆ ମାଡ଼କାମି (୪୭) ପିତା-ମୃତ ଗଙ୍ଗା ମାଡ଼କାମି ,ଗ୍ରାମ-ସୂର୍ଲୁକୋଣ୍ଡା, ଥାନା -ଅର୍କେଲ ଜିଲ୍ଲା-ମାଲକାନଗିରି। ତାଙ୍କୁ ଗତ ତା ୮.୧୧.୨୦୨୪ ରିଖରେ ରାତି ପ୍ରାୟ ୮ ଘଣ୍ଟା ସମୟରେ ତାଙ୍କ ଗ୍ରାମର ପୋଦିଆ ସୋଡି, ଗୁଣି ଗାରେଡ଼ି ସନ୍ଦେହରେ ତାର ମୁଣ୍ଡକୁ ଏକ ଧାରୁଆ ଅସ୍ତ୍ରରେ କାଟି ହତ୍ୟା କରିଥିଲେ। ତାର ନିଜ ଜମିରେ ଶୋଇଥିବା ସମୟରେ ମୁଣ୍ଡକୁ କାଟି ଦେଇଥିଲେ , ଏହା ପରେ ତାଙ୍କ ଗ୍ରାମର ରାମ ପୋଡିଆମି, ମୁନ୍ନା ପୋଡ଼ିଆମୀ, ପଦିଆ ପଡ଼ିଆମୀ, ରାମ ପୋଡ଼ିଆମୀ ଓ ଇର୍ମା ପିଡ଼ିଆମୀ ଏକ ଅଖା ବସ୍ତାରେ ସେହି ଶବକୁ ପୁରାଇ ସମସ୍ତେ ପୋଟେରୁ ନଦୀକୁ ନେଇ ଫିଙ୍ଗି ଦେଇଥିଲେ । ଏହା ଭାସି ଆସି କାଲିମେଳା ଥାନା ଅନ୍ତର୍ଗତ ଏମ.ଭି -୫୭ ଗ୍ରାମର ନଦୀ କୂଳରେ ଲାଗିଥିଲା । ଏହାକୁ ନେଇ କାଲିମେଳା ଥାନାର କେସ ନମ୍ବର-୨୬୧/୨୦୨୪ ଧାରା-୧୦୩(୧)/୨୩୮(ଏ)/୩(୫)/ ବି.ଏନ.ଏସ ମାମଲା ରୁଜୁ କରାଯାଇଥିଲା । ସମସ୍ତ ଆସାମୀ ମାନଙ୍କୁ ଗିରଫ କରି କୋର୍ଟ ଚାଲାଣ କରାଯାଇଅଛି ।