ପୁରୀ:ରଥାରୂଢ ତିନ ଠାକୁରଙ୍କୁ ଦର୍ଶନ କଲେ ପୁରୀ ଶଙ୍କରାଚାର୍ଯ୍ୟ ଜଗଦ ଗୁରୁ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ । ପହଣ୍ଡି ବିଜେ ପରେ ମହାପ୍ରଭୁ ଜଗନ୍ନାଥ , ବଳଭଦ୍ର ଓ ମା ସୁଭଦ୍ରାଙ୍କ ଦର୍ଶନ ପ୍ରାପ୍ତି କରିଛନ୍ତି ଜଗଦ ଗୁରୁ ଶଙ୍କରାଚାର୍ଯ୍ୟ । ଅଲୈାକିକତା ମଧ୍ୟରେ ଲୈାକିକତାର ପ୍ରରିପ୍ରକାଶ ପାଇଁ ଜଗତର ନାଥ ଭାଇ ଭଉଣୀଙ୍କୁ ସାଙ୍ଗରେ ନେଇ ବାହାରିଛନ୍ତି ମାଉସି ମା ଘର ଅଭିମୁଖେ ।ଆଜି ପବିତ୍ର ଘୋଷ ଯାତ୍ରା ପାଇଁ ବଡ଼ ଦାଣ୍ଡ ଚଳଚଂଚଳ । କରୋନା କଟକଣା ପାଇଁ ବଡ଼ ଦାଣ୍ଡ ମନା ହୋଇଥିବାରୁ ନାହିଁ ଭକ୍ତଙ୍କ ଗହଳ ଚହଳ । ସ୍ୱଳ୍ପ ସଂଖ୍ୟକ ସେବାୟତଙ୍କୁ ନେଇ ସମ୍ପନ୍ନ ହେବ ଘୋଷ ଯାତ୍ରା । ସରିଛି ପ୍ରଭୁଙ୍କ ପହଣ୍ଡି ।ତିନି ଠାକୁର ରଥାରୂଢ । ଅପେକ୍ଷାରେ ଭକ୍ତଙ୍କ ଭାବ ଭରା ନୟନ କେତେବେଳେ ହେବ ରଥ ଟଣା ଆଉ ରଥ ଉପରେ ଦର୍ଶନ ଦେବେ କାଳିଆ ସାଆନ୍ତ ।