କଂଟାବାଞ୍ଜି: ବଲାଙ୍ଗୀର ଜିଲ୍ଲାର କଂଟାବାଞ୍ଜି ସହରରେ ଘରେ ପାଣିପକାଇବାକୁ ନେଇ ହୋଇଛି ବଡ ଧରଣର ଗଣ୍ଡୋଗୋଳ । ବିଳମ୍ବିତ ରାତିରେ ଲକ୍ଷ୍ମୀ ନଗର ୱାର୍ଡ ନମ୍ବର ୭ରେ ଜଣେ ଘରର ବ୍ୟବହାର କରୁଥିବା ନଳାପାଣି ଅନ୍ୟ ଘର ବାହାରେ ପଡୁଥିବା ଅଭିଯୋଗ ନେଇ ସୋନୁ ନାଏକ ଯୁବକ ଦିଲ୍ଲୀପ ରଣାଙ୍କୁ ମାରଣାସ୍ତ୍ରରେ ଆକ୍ରମଣ କରି ରକ୍ତାତ କରିଛି । ଦିଲ୍ଲୀପଙ୍କୁ କଂଟାବାଞ୍ଜି ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ହୋଇଥିବାରୁ ତାଙ୍କୁ ବଲାଙ୍ଗିରକୁ ସ୍ଥାନାନ୍ତରିତ କାରଯାଇଛି । ମାତ୍ର ସେଠି ତାଙ୍କ ଅବସ୍ଥା ସଂଙ୍କଟାପନ୍ନ ହେବାରୁ ତାଙ୍କୁ ବୁର୍ଲା ମେଡିକାଲକୁ ସ୍ଥାନାନ୍ତରିତ କାରାଯାଇଥିଲା । ଘଟଣା ସଂପର୍କରେ ଖବର ପାଇ କଂଟାବାଞ୍ଜି ଥାନା ଅଧିକାରୀ ସୋନୁଙ୍କ ଘରେ ଚଢାଉ କରି କିଛି ଅସ୍ତ୍ର ସହ ତାଙ୍କୁ ଥାନାରେ ଅଟକ ରଖିଥିବା ଜଣାପଡିଛି ।