ବିଞ୍ଝାରପୁର:- ବିଞ୍ଝାରପୁର ଥାନା ଅଞ୍ଚଳରେ ଗତକାଲି ରାତି ୭ଟା ପରେ ଯାଜପୁର ଏସପି ଚରଣ ସିଂହ ମୀନା ଅଚାନକ ଗସ୍ତରେ ଆସି ବିଭିନ୍ନ ଛକ ବଜାରରେ ଚଢାଉ କରିଥିଲେ । ବହୁ ଅମାନିଆ ରାତିରେ ବାଇକ ଧରି ବୁଲୁଥିବା ନଜରକୁ ଆସିଥିଲେ । ପୁଲିସ ସେମାନଙ୍କ ଉପରେ ଲାଠି ଚାଳନା କରିବା ସହ ଫାଇନ ମଧ୍ୟ ଆଦାୟ କରିଥିଲେ । ବିଳମ୍ବିତ ରାତି ପର୍ଯ୍ୟନ୍ତ ଦୋକାନ ଖୋଲିଥିବା ଅଭିଯୋଗରେ ବାଛୋଳ ଓ ସିଂହପୁର ବଜାରର ୪ ଜଣ ବ୍ୟବସାୟୀଙ୍କ ନାମରେ ପୁଲିସ ମାମଲା ରୁଜ କରିବା ସହିତ ସେମାନଙ୍କୁ ଅଟକ ରଖିଛି । ସେମାନଙ୍କ ନାମରେ ପୁଲିସ ମାମଲା ରୁଜ କରାଯାଇଥିବା ଥାନା ଅଧିକାରୀ ଶିବ ଚରଣ ବେହେରା ସୂଚନା ଦେଇଛନ୍ତି ।