ଜୟପୁର : କୋରାପୁଟ ଜିଲ୍ଲାରେ ଅବସ୍ଥାପିତ ଜିଲ୍ଳା କୃଷି ଉପ ନିର୍ଦେଶକ ପ୍ରଦୀପ ମହାନ୍ତିଙ୍କ କାରରୁ ଭିଜିଲାନ୍ସ ଆଜି ୧୧ଲକ୍ଷ ୩୧ହଜାର ଟଙ୍କା ଜବତ କରିଛି । ଭିଜିଲାନ୍ସ ତାଙ୍କୁ ଅଟକ ରଖି ଜେରା ଜାରୀ ରଖିଛି । ସେ କୋରାପୁଟରୁ ଭୁବନେଶ୍ୱରକୁ ଆସୁଥିଲା ବେଳେ ଜୟପୁର ଘାଟି ନିକଟରେ ଭିଜିଲାନ୍ସ ତାଙ୍କ ଗାଡିରେ ଚଢାଉକରି ୧୧ଲକ୍ଷ ଟଙ୍କା ଜବତ କରିଛି ।
ସୂଚନାଯୋଗ୍ୟ ଯେ, ନିକଟରେ ଜିଲ୍ଲା କୃଷି ଅଧିକାରୀ ଶ୍ରୀମହାନ୍ତିଙ୍କର ଭୁବନେଶ୍ୱରକୁ ବଦଳି ହୋଇଥିଲା । ସେ ତାଙ୍କର ସମସ୍ତ ଆସବାବପତ୍ର ଆଣୁଥିଲା ବେଳେ ନିଜେ କାରରେ ଆସୁଥିଲେ । କାରରୁମଧ୍ୟ ଭିଜିଲାନ୍ସ ବହୁ କାଗଜପତ୍ର ଜବତ କରିଥିଲା ଜଣାଯାଇଛି । ଏହି ଘଟଣା ଏବେ ଚର୍ଚ୍ଚାର ବିଷୟ ହୋଇଛି ।