କାନପୁର: ଉତରପ୍ରଦେଶର କାନପୁର ଅନ୍ତର୍ଗତ ଚୌବେପୁର ଥାନା ଅଂଚଳରେ ଅପରାଧୀଙ୍କ ଗୁଳିରେ ୮ପୋଲିସ କର୍ମଚାରୀ ସହିଦ ହୋଇଛନ୍ତି । କୁଖ୍ୟାତ ଅପରାଧୀ ବିକାଶ ଦୁବେକୁ ଧରିବାକଗୁ ଯାଇଥିବା ପୋଲିସ ଟିମ୍ ସହ ଅପରାଧିଙ୍କ ଗୁଳିବିନିମୟ ବେଳେ ୮ଜଣ ପୋଲିସ ଜଣ ପୋଲିସଙ୍କର ମୃତ୍ୟୁ ଘଟିଛି । ଆହୁରି ମଧ୍ୟ ଅପରାଧିଙ୍କ ଗୁଳିରେ ୭ଜଣ ପୋଲିସ ଆହତ ହୋଇଥିଲା ବେଳେ ଜଣେ ସାଧାରଣ ନାଗରିକଙ୍କର ମୃତ୍ୟୁ ଘଟିଛି । ଅପରାଧୀମାନେ ପୋଲିସଠାରୁ ଅସ୍ତ୍ରଣସ୍ତ୍ର ଲୁଟି ନେଇ ଫେରାର ହୋଇଯାଇଛନ୍ତି । ସହିଦ ପୋଲିସଙ୍କ ମଧ୍ୟରେ ସିିଓ ବିହ୍ଲୋର ଦେବେନ୍ଦ୍ର ମିଶ୍ର ଏବଂ ଶିବରାଜପୁରର ଏଏସଓ ମହେଶ ଯାଦବ ଅଛନ୍ତି । ଆହତମାନଙ୍କୁ ରେଜେନ୍ସି ହସ୍ପିଟାଲରେ ଭତି କରାଯାଇଛି । ଅପରାଧିମାନଙ୍କୁ ଧରିବାଲାଗି ସମଗ୍ରଅଞ୍ଚଳରେ ପୋଲିସ ପକ୍ଷରୁ ଜୋରଦାର ତଲାସି ଅଭିଯାନ ଜାରୀ ରହିଛି । ଘଟଣାସ୍ଥଳରେ ବରିଷ୍ଠ ପୋଲିସ ଅଧିକାରୀ ମାନେ ପହଞ୍ଚି ତଦନ୍ତ ଜାରୀ ରଖିଛନ୍ତି ।
ସୂଚନାର ଯୋଗ୍ୟ ଯେ, ବିକାଶ ଏବଂ ତାଙ୍କ ସହଯୋଗୀଙ୍କୁ ଧରିବାକୁ ଯାଇଥିବା ପୋଲିସ ଦଳ ଓ ଅପରାଧୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଗୁରୁବାରର ରାତି ପ୍ରାୟ ସାଢେ ୧୨ଟା ବେଳେ ବିଠୁର ଏବଂ ଚୌବେପୁର ପୋଲିସ ମିଳିତ ଭାବେ ବିକାଶ ଦୁବେର ଗାଁ ବିକାରୁରେ ତାଙ୍କ ଘରେ ଚଢାଉ କରିଥିଲେ । ବିଠୁର ଏଏସଓ କୌଶଲେନ୍ଦ୍ର ପ୍ରତାପ ସିଂହ କହିଛନ୍ତି ଯେ, ବିକାଶ ଏବଂ ତାଙ୍କର ୮ରୁ ୧୦ଜଣ ସାଥୀ ପୋଲିସ ଉପରକୁ ଗୁଳି ଚଳାଇବା ଆରମ୍ଭ କରିଥିଲେ । ଘର ଭିତରେ ଏବଂ ଛାତରେ ଗୁଳି ଦାଗ ଦେଖିବାକୁ ମିଳିଛି । ଏହି ଘଟଣା ସମଗ୍ର ଉତରପ୍ରଦେଶକୁ ସ୍ତବ୍ଧ କରିଦେଇଛି ।