ୱାସିଂଟନ: ସଡକ ଭଳି ଆକାଶ ପଥରେ ଭୟଙ୍କର ଦୁର୍ଘଟଣା ଘଟିଛି । ମଝି ଆକାଶରେ ଉଡୁଥିବା ବେଳେ ଦୁଇଟି ବିମାନ ମଧ୍ୟରେ ମୁହାଁମୁହିଁ ଧକ୍କା ହୋଇଛି । ଏଭଳି ଘଟଣା ଏକ ନଦୀ ଉପରେ ଘଟିଥିଲା । ତେଣୁ ଦୁର୍ଘଟଣା ପରେ ବିମାନ ଦୁଇଟି ନଦୀ ମଧ୍ୟକୁ ଖସି ପଡିଛି । ଫଳରେ ବର୍ତମାନ ସୁଦ୍ଧା ୮ଜଣଙ୍କର ମୃତ୍ୟୁ ଘଟିଥିବା ଖବର ମିଳିଛି । ଆମେରିକାର ଇଡାହୋରେ କୋର୍ଡ ଦି ଆଲେନ ନଦୀ ମଧ୍ୟରେ ବିମାନ ଦ୍ୱୟ ବୁଡି ଯାଇଥିବାରୁ ଉଦ୍ଧାର କାର୍ଯ୍ୟକୁ ଜୋରଦାର କରାଯାଇଛି । କୋଟେନାଇ କାଛଂଟି ଶେରିଫର ଅଫିସ ଲ୍ୟୁଟନାଣ୍ଟ ରାୟନ ହୀଗିନ୍ସ କହିଛନ୍ତି ଦୁର୍ଘଟଣା ରେ ସଙ୍ଗେ ସଙ୍ଗେ ଆମ ପାଖକୁ ଖବର ଆସିଥିଲା । ତେବେ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଂଚି ପ୍ରଥମେ ୨ଜଣଙ୍କ ମୃତଦେହ ଉଦ୍ଧାର କରିଥିଲେ