ପୁରୀ: ବଳିଆପଣ୍ଡା ଥାନା ଅଧିନ ଷ୍ଟର୍ଲି ରିସୋର୍ଟ ନିକଟରେ ବ୍ୟବସାୟିଙ୍କୁ ହତ୍ୟା ପରେ ନଦୀରେ ଫିଙ୍ଗି ଦେଇଥିବା ଅଭିଯୋଗ ହୋଇଛି । ରାତି ତମାମ ପାଣିରେ ଖୋଜାଖୋଜି କରିବା ପରେ ପୋଲିସ୍ କୁ ମଙ୍ଗଳା ମୁହାଣରୁ ବ୍ୟବସାୟିଙ୍କ ମୃତ ଦେହ ମିଳିଛି । ପରିବାର ଲୋକଙ୍କ ଅଭିଯୋଗକୁ ଭିତି କରି ପୋଲିସ୍ ଦୁଇ ଜଣଙ୍କୁ ଅଟକ ରଖିଛି । ମୃତକ ଜଣକ ହେଲେ କେନ୍ଦ୍ରାପଡା ଜିଲ୍ଲା ଯମଧର ଗାଁ ର ନିରଞ୍ଜନ ସେଠୀଙ୍କ ପୁଅ ଦେବାଶିଷ ସେଠୀ । ଦେବାଶିଷ ତାଙ୍କ ୨ ଜଣ ବନ୍ଧୁଙ୍କ ସହ ମଙ୍ଗଳା ମୁହାଣ ବୁଲିବାକୁ ଆସିଥିଲେ । ବ୍ୟବଛେଦ ରିପୋର୍ଟ ଆସିଲେ ସବୁ ଘଟଣାର ପର୍ଦ୍ଧାଫାଶ୍ ହୋଇଯିବ ବୋଲି କହିଛନ୍ତି ଆଇଆଇସି ଚିନ୍ମୟ ରାଉତ ।