ଭୁବନେଶ୍ୱର- ରାଜ୍ୟରେ ଦିନକୁ ଦିନ କରୋନା ମୃତ୍ୟୁ ସଂଖ୍ୟା ବଢିବାରେ ଲାଗିଛି । ଆଜି ପୁଣି ୪ ଜଣ କରୋନାରେ ଆଖି ବୁଜିଛନ୍ତି ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ କୁହାଯାଇଛି । ମୃତକ ୪ ଜଣଙ୍କ ମଧ୍ୟରୁ କଟକରୁ ୨ ହୋଇଥିବା ବେଳେ ମୟୂରଭଞ୍ଜରୁ ଜଣେ ଓ ଗଞ୍ଜାମରୁ ଜଣେ ରହିଛନ୍ତି । କଟକର ଦୁଇ ମୃତକଙ୍କ ମଧ୍ୟରୁ ଜଣେ ୮୦ ବର୍ଷୀୟ ବୃଦ୍ଧ ଯିଏ ପୂର୍ବରୁ କ୍ୟାନସରରେ ପୀଡିତ ଥିଲେ । ଅନ୍ୟ ଜଣେ ୪୮ ବର୍ଷୀୟ ଯିଏ ଡାଇବେଟିସ ସମେତ ଅନ୍ୟ ରୋଗରେ ପୀଡିତ ଥିଲେ । ସେହିପରି ମୟୂରଭଞ୍ଜ ଜିଲ୍ଲାରେ ପ୍ରାଣ ହରାଇଥିବା ୪୫ ବର୍ଷୀୟ ବ୍ୟକ୍ତି ମଧ୍ୟ କ୍ୟାନସରେ ପୀଡିତ ଥିଲେ । ସେହିଭଳି ଗଞ୍ଜାମର ୬୦ ବର୍ଷୀୟ ବ୍ୟକ୍ତି ପୂର୍ବରୁ ମଧୁମେହରରେ ପୀଡିତ ଥିଲେ । ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ଏବେ୪୨କୁ ବୃଦ୍ଧି ପାଇଛି ।