ବାରିପଦା: ସମଗ୍ର ଦେଶ କରୋନା ମହାମାରୀ ଭୂତାଣୁ ସଂକ୍ରମଣରେ କବଳିତ । ଏଭଳି ଘଡି ସନ୍ଧି ମୁହୂର୍ତରେ ବିଭିନ୍ନ ରକ୍ତଭଣ୍ଡାର ମାନଙ୍କରେ ରକ୍ତ ଅଭାବ ଦେଖାଦେଇଛି । ରୋଗୀମାନେ ନାହିଁ ନ ଥିବା ଅସୁବିଧା ଭୋଗୁଛନ୍ତି । ସେଥି ନିମନ୍ତେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆହ୍ୱାନ ଓ ଜିଲ୍ଲା ପର୍ଯ୍ୟବେକ୍ଷକ ପ୍ରଣବ ପ୍ରକାଶ ଦାସଙ୍କ ନିର୍ଦେଶ କ୍ରମେ ଡାଇମଣ୍ଡ କ୍ଲବ ଓ ଷ୍ଟାର କ୍ଲବ ପକ୍ଷରୁ ରକ୍ତଦାନ ଶିବିର ଆୟୋଜିତ କରିଥିଲେ । ଉକ୍ତ ମହତ ରକ୍ତଦାନ ଶିବିର କାର୍ଯ୍ୟକ୍ରମକୁ କୃଷ୍ଣଚନ୍ଦ୍ର ଦାସ ମୁଖ୍ୟ ଅତିଥି ଭାବେ ଯୋଗ ଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ । ଅମୀର ଖାନ,ଦୁର୍ଗା ପ୍ରସାଦ ମହାନ୍ତ,ତପନ କୁମାର ମହାନ୍ତ, ସରୋଜ କୁମାର ଦାସଙ୍କ ପ୍ରତ୍ୟକ୍ଷ ତତ୍ୱାବଧାନରେ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା ।ଏଥିରେ ୨୬ୟୁନିଟ ରକ୍ତ ସଂଗୃହିତ କରାଯାଇଥିଲା । ରକ୍ତ ସଂଗ୍ରହରେ ରକ୍ତଭଣ୍ଡାର ପ୍ରଶାନ୍ତ ଦାସ,ପାର୍ଥ ସାରଥୀ ମହାନ୍ତି,ଶମ୍ଭୁନାଥ ପଳେଇ,ବିନୋଦ ଘୋଷ ଏବଂ ତାଙ୍କ ଟିମ୍ ରକ୍ତ ସଂଗ୍ରହ କରିଥିଲେ । ଅଳ୍ପ ସଂଖ୍ୟାକ ରକ୍ତ ସଂଗ୍ରହ ହେଲେ ମଧ୍ୟ ରକ୍ତ ସଂକଟରେ ଆଉଟୁ ପାଉଟୁ ହେଉଥିବା ରୋଗୀମାନଙ୍କର କିଛିଟା ଅଭାବ ପୂରଣ କରି ପାରିବ ଓ ରୋଗୀଙ୍କ ଜୀବନ ବଂଚାଇବାରେ ସାହାଯ୍ୟ କରିବ ଏହା ନିଃସନ୍ଦେହ!