ନୂଆଦିଲ୍ଲୀ: ଗୁଜୁରାଟ ପୋଲିସ୍ ୩୮ ବର୍ଷର ପୁରୁଣା ହତ୍ୟା ଓ ଡକାୟତି ସହ ଜଡିତ ଜଣେ କୁଖ୍ୟାତ ଅପରାଧିକୁ ଗିରଫ କରିଛି । ବାଡମେର ପୋଲିସ୍ ଅଧିକ୍ଷକ ଆନନ୍ଦ ଶର୍ମାଙ୍କ କହିବା ଅନୁସାରେ ଗୁଜୁରାଟ ପୋଲିସ୍ ୬୬ ବର୍ଷୀୟ ଶକ୍ତିଦାନ ସିଂହକୁ ବିଜବାଲା ଗାଁରୁ ଗିରଫ କରିଛି । କିଛି ଦିନ ହେଲା ପୋଲିସ୍ ବିଭିନ୍ନ ସ୍ଥାନରେ ଖୋଜାଖୋଜି ଜାରି ରଖିଥିଲା । ଶେଷରେ ପୋଲିସ୍ ସହ ଚାଲିଥିବା ଲୁଚକାଳି ଖେଳର ଅନ୍ତ ହୋଇଛି । ବାଡମେର ପୋଲିସଙ୍କ କହିବା ଅନୁସାରେ ୧୯୮୨ରେ ଗୁଜୁରାଟ ବନାଶକାଠା ଜିଲ୍ଲାର ଇକବାଲଗଡ ଅଂଚଳରେ ଶକ୍ତିଦାନ ସିଂହ ଲୁଚିଥିବାର ପୋଲିସକୁ ଖବର ମିଳିଥିଲା । ପୋଲିସ୍ ଖବର ମିଳିବା ମାତ୍ରେ ଅପରେସନ ଆରମ୍ଭ କରିଥିଲା । ଏହି ଅପରେସନ୍ ସମୟରେ ଗୁଳିଚାଳନା ମଧ୍ୟ ହୋଇଥିଲା , ଯେଉଁଥିରେ ଜଣେ ପୋଲିସକର୍ମୀଙ୍କ ସମେତ ଦୁଇ ଜଣ ଲୋକଙ୍କ ମୃତ୍ୟୁ ହୋଇଥିଲା । ସେବେଠାରୁ ଶକ୍ତିଦାନ ସିଂହ ନିଖୋଜ ଥିଲା ।