ବେଗୁନିଆ: ପୁଣି ଏକ ଦେଶୀମଦ କାରଖାନାକୁ ବେଗୁନିଆ ପୋଲିସ ଠାବ କରିଛି । ପୋଲିସ ସୂଚନା ଅନୁଯାୟୀ ମାଣିବନ୍ଧ ପଂଚାୟତ ଏକଡାଳିଆରେ ଦୀର୍ଘଦିନ ହେବ ଦେଶୀମଦ ରନ୍ଧା ହୋଇ ରାଜସୁନାଖଳା,ସାନପଦର,ରାସୋଳ,ବେଗୁନିଆ,ଗଡତରା , ଚଟୁଆ ଆଦି ଅଂଚଳ ସହ ବାହାରକୁ ମଦ ଯୋଗାଣ ହେଉଥିଲା । ଏ ସମ୍ପର୍କରେ ସୂଚନା ପାଇ ବେଗୁନିଆ ଥାନା ନିରୀକ୍ଷକ ରଶ୍ମିରଞ୍ଜନ ସାହୁ ସଦଳବଳ ଏକଡାଳିଆ ହଡାବନ୍ଧ କାଜୁ ଜଙ୍ଗଲରେ ଚଢାଉ କରି ଦେଢହଜାର ଲିଟର ପୋଚକୁ ନଷ୍ଟ କରିଥିଲେ । ୩୦ ଲିଟର ଦେଶୀମଦ, ମଦ ତିଆରୀ ସାମଗ୍ରୀ ଜବତ କରିବା ସହ ଜଣେ ମହିଳାଙ୍କୁ ଗିରଫ କରିଛି ପୋଲିସ ।