କଟକ- ଗୋଟିଏ ସ୍ଥାନରୁ ୧୯ଟି ନାଗ ଛୁଆଙ୍କୁ ଉଦ୍ଧାର କରାଯାଇଛି । କଟକ ମାହାଙ୍ଗା ଉଷୁମ ଗାଁର ପ୍ରମୋଦ ପଣ୍ଡାଙ୍କ ଘରୁ ଉଦ୍ଧାର ହୋଇଛି ନାଗ ଛୁଆ । ସ୍ନେକ୍ ହେଲ୍ପ ଲାଇନ ସଦସ୍ୟ ଗାଁରେ ପହଂଚି ଏହି ସାପଗୁଡିକୁ ଉଦ୍ଧାର କରିଛନ୍ତି । ସୂଚନାଅନୁସାରେ , ପ୍ରଥମେ ଦୁଇ ତିନୋଟି ନାଗ ଛୁଆ ଘରୁ ବାହାରିବାର ଦେଖିଥିଲେ ପରିବାର ଲୋକେ । ପରେ ସେହି ସ୍ଥାନକୁ ସଫା କରାଯିବା ପରେ ଏକ ଗାତରୁ ୧୯ଟି ନାଗ ଛୁଆ ମିଳିଛି । ଉଦ୍ଧାର ପରେ ସମସ୍ତ ସାପ ଛୁଆଙ୍କୁ ଜଙ୍ଗଲରେ ଛଡାଯାଇଛି । ଗତ ବର୍ଷ ମଧ୍ୟ ପ୍ରମୋଦଙ୍କ ଭାଇଙ୍କ ଘରୁ ୨୨ଟି ନାଗ ଛୁଆ ଉଦ୍ଧାର ହୋଇଥିଲା ।