ଭୁବନେଶ୍ୱର- ରାଜଧାନୀରେ କରୋନା ସ୍ଥିତି ଗମ୍ଭୀର ହେବାରେ ଲାଗିଛି । ଆଜି ଗୋଟିଏ ଦିନରେ ସର୍ବାଧିକ ୧୨୪ କରୋନା ପଜିଟିଭ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ସଙ୍ଗରୋଧ କେନ୍ଦ୍ରର ୭୨ ଓ ଲୋକାଲ କେସ ୫୨ ରହିଛି । ଲକ୍ଷ୍ମୀବିହାର ବସ୍ତି, ଚିନ୍ତାମଣିଶ୍ୱର, ବମିଖାଲ, ବିଶ୍ୱେଶ୍ୱରୀ ବସ୍ତି, ଡୁମୁଡୁମା, ସହିଦନଗର, ଇଷ୍ଟକୋଟ ରେଲେୱର ଜଣେ କର୍ମଚାରୀ, ଗଙ୍ଗନଗର, ନୟାପଲ୍ଲୀ ବେହେରା ସାହି, ଚକେଇସିଆଣିରୁ ଜଣେ ଲେଖାଏଁ ରହିଛନ୍ତି । ସେହିପରି ଗଜପତି ନଗରରୁ ଜଣେ ଘରୋଇ ହସ୍ପିଟାଲର କର୍ମଚାରୀ ରହିଛନ୍ତି । ଓଲ୍ଡ ଟାଉନ, ଆଇଆରସି ଭିଲେଜ, ପଳାଶୁଣୀ, ରସୁଲଗଡ, ସହିଦନଗର ଓ ପାତ୍ରପଡାରୁ ଜଣେ ଲେଖାଏଁ ଅଛନ୍ତି । ଏକ ସରକାରୀ ମୋଡିକାଲାର ଡ୍ରାଇଭର ମଧ୍ୟ କରୋନା ଆକ୍ରାନ୍ତ ହୋଇଛନ୍ତି । ନୟାପଲ୍ଲୀ ଆଇଡି ମାର୍କେଟରୁ ଜଣେ, ଲକ୍ଷ୍ମୀସାଗରରୁ ଜଣେ ଚିହ୍ନଟ ହୋଇଛନ୍ତି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଗଣମାଧ୍ୟମ ସଂସ୍ଥାର ୫ କର୍ମଚାରୀ ପଜିଟିଭ ଚିହ୍ନଟ ହୋଇଛନ୍ତି । ଭୁବନେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ହଜାର ପାର କରିଛି ।