ବାଙ୍କୀ – କଟକ ଜିଲ୍ଲା ବାଙ୍କୀ ଚର୍ଚ୍ଚିକା ସାହି ଭିତରେ ଏକ ଆଇସକ୍ରିମ ଫ୍ୟାକ୍ଟ୍ରିରେ ଫିଏନ ଗ୍ୟାସ ଟାଙ୍କି ବିସ୍ଫୋରଣ ହୋଇ ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତ ଯୁବକ ଜଣଙ୍କ ହେଲେ ରାଜା ସାହୁ(୨୫) । ତେବେ ଏହି ଦୁର୍ଘଟଣାରେ ତାଙ୍କ ବାପା ସୁଶାନ୍ତ ସାହୁ ଗୁରୁତର ଆହତ ହୋଇଛନ୍ତି । ଏହି ବିସ୍ଫୋରଣ ପରେ ଘଟଣାସ୍ଥଳରେ ଉତେଜନା ପ୍ରକାଶ ପାଇଛି । ସୂଚନା ଅନୁସାରେ ଚର୍ଚ୍ଚିକା ସାହି ଭିତରେ ଥିବା ପୂଜା ଆଇସକ୍ରିମ ଫ୍ୟାକ୍ଟ୍ରିରେ ସକାଳେ ଗ୍ୟାସ ଟାଙ୍କି ବିସ୍ଫୋରଣ ହୋଇଥିଲା । ତେବେ ଉକ୍ତ ସମୟରେ ବାଙ୍କୀ ବ୍ଲକ ଅଧୀନ ଠନାପଲି ଗ୍ରାମର ସୁଶାନ୍ତ ଓ ପୁଅ ରାଜା କାମ କରୁ୍ଥିଲେ । ରାଜାଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ତାଙ୍କ ବାପା ସୁଶାନ୍ତଙ୍କୁ ଗୁରୁତର ଅବସ୍ଥାରେ ବାଙ୍କୀ ଉପଖଣ୍ଡ ମେଡିକାଲରେ ଭର୍ତି କରାଯାଇଛି । ଘଟଣା ସ୍ଥଳରେ ଅଗ୍ନିଶମ କର୍ମଚାରୀ ପହଂଚି ସ୍ଥିତିକୁ ନୟନ୍ତ୍ରଣ କରିଥିଲେ । ଏନେଇ ଅଗ୍ନିଶମ କର୍ମଚାରୀ କହିଛନ୍ତି ଯେ ଉଭୟ ବାପା ପୁଅଙ୍କୁ ତୁରନ୍ତ ନେଇ ଆମେ ବାଙ୍କୀ ମେଡିକାଲରେ ଭର୍ତି କରିଥିଲୁ । ହେଲେ ସେଠାରେ ଡାକ୍ତର ପୁଅକୁ ମୃତ ଘୋଷଣା କରିଥିବା ବେଳେ ଗୁରୁତର ସୁଶାନ୍ତଙ୍କୁ କଟକ ସ୍ଥାନାନ୍ତର କରାଯିବ ବୋଲି ଜଣାପଡିଛି ।