କାଲିମେଳା: ଜମିବାଡି ବିବାଦକୁ କେନ୍ଦ୍ର କରି ଜଣେ ବିଧବାଙ୍କ ସମେତ ତାଙ୍କ ପରିବାରର ୬ ଜଣଙ୍କୁ ଗଛରେ ବାନ୍ଧି ନିସ୍ତୁକ ମାଡ ମାରିଥିବାର ଅଭିଯୋଗ ହୋଇଛି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ମାଳକାନାଗିରି ଜିଲ୍ଲା କାଲିମେଳା ଥାନା ଅଂଚଳରେ । ଏ ନେଇ ପୀଡିତ ମହିଳା ସେଫାଳି ବିଶ୍ୱାଳ ଥାନାରେ ଅଭିଯୋଗ କରିଛନ୍ତି । ପୋଲିସର କହିବା ଅନୁସାରେ ସେଫାଳିଙ୍କ ଜମିରେ ସେହି ଗାଁରେ ରହୁଥିବା ତାଙ୍କ ସମ୍ପର୍କୀୟ ବିଜମ ମଜୁମଦାର, ରତନ ମଜୁମଦାର, ତିଲକ ମଜୁମଦାର, ସପନ ମଜୁମଦାର, ଚନ୍ଦନ ମଜୁମଦାର ପ୍ରମୁଖ ଜବରଦସ୍ତି ଚାଷ କରୁଥିଲେ । ସେଫାଳି ଓ ତାଙ୍କ ପରିବାର ଏଥିପାଇଁ ବିରୋଧ କରିଥିବାରୁ ମଜୁମଦାର ପରିବାର ସେଫାଳିଙ୍କ ସହ ତାଙ୍କ ପୁଅ, ବୋହୁ, ନାତି ମାନଙ୍କୁ ଏକ ମହୁଲ ଗଛରେ ବାନ୍ଧି ନିସ୍ତୁକ ପିଟିଥିଲେ ।