ମଥୁରା-ଉତରପ୍ରଦେଶ ମଥୁରା ଜିଲ୍ଲାରେ ଦୁଇ ବନ୍ଧୁଙ୍କ ଅତି ନିର୍ମମ ଭାବେ ହତ୍ୟା କରାଯାଇଛି । ଏହି ଡବଲ ମର୍ଡର ଘଟଣା ସ୍ଥାନୀୟ ଅଂଚଳରେ ଚାଂଚଲ୍ୟ ସୃଷ୍ଟି କରିଛି । ମୃତକ ଦୁଇ ବନ୍ଧୁ ହେଲେ ପପୁ ଏବଂ ଚନ୍ଦନ । ସୂଚନା ଅନୁସାରେ ଦୁଇ ବନ୍ଧୁ ଗତ ଶୁକ୍ରବାର ଠାରୁ ନିଖୋଜ ଥିଲେ । ଉଭୟଙ୍କ ଅପହରଣ କରାଯାଇଥିବା ନେଇ ସେମାନଙ୍କ ପରିବାର ଲୋକେ ଥାନାରେ ଅଭିଯୋଗ କରିଥିଲେ । ତେବେ ପୁଲିସ କ୍ରମାଗତ ଭାବେ ସେମାନଙ୍କୁ ଖୋଜୁଥିଲା । ତେବେ ଉଭୟଙ୍କ ମୃତଦେହ ମିଳିବା ପରେ ଯୋଜନାବଦ୍ଧ ଭାବେ ସେମାନଙ୍କୁ ହତ୍ୟା କରାଇଥିବା ସନେ୍ଦହ କରାଯାଉଛି । ଏହି ଘଟଣା ସମ୍ପର୍କରେ ଖବର ଦେଇଥିବା ଦୁଇ ଯୁବକଙ୍କୁ ପୁଲିସ ଅଟକ ରଖି ପଚରାଉଚରା ଜାରି ରଖିଛି । ହତ୍ୟାକାଣ୍ଡ ସମୟରେ ଉଭୟ ବନ୍ଧୁ ନିଶାସକ୍ତ ଅବସ୍ଥାରେ ଥିଲେ ବୋଲି ଅଟକ ଯୁବକ ପୁଲିସକୁ ବୟାନ ଦେଇଛନ୍ତି । ହତ୍ୟାକାଣ୍ଡ ସମ୍ପର୍କରେ ଆହୁରି ଅଧିକ ସୂଚନା ପାଇଁ ପୁଲିସ ଖୋଳତାଡ ଜାରି ରଖିଛି ।