ଭୁବନେଶ୍ୱର- ଦାୟିତ୍ୱ ଗ୍ରହଣ କଲେ ଭୁବନେଶ୍ୱର ଓ କଟକ ଡିସିପି । ଭୁବନେଶ୍ୱର ଡିସିପି ଭାବେ ଦାୟିତ୍ୱ ନେଲେ ଉମାଶଙ୍କର ଦାସ । ପୂର୍ବରୁ ଡିସିପିି ଦାୟିତ୍ୱରେ ଥିବା ଅତିରିକ୍ତ ପୋଲିସ କମିଶନର ଅନୁପ ସାହୁ ତାଙ୍କୁ ଦାୟିତ୍ୱ ହସ୍ତାନ୍ତର କରିଛନ୍ତି । ନୂଆ ଡିସିପି ଉମାଶଙ୍କର ଦାଶ ପୂର୍ବରୁ ପୁରୀ ଏସିପି ଭାବେ କାର୍ଯ୍ୟ କରୁଥିଲେ । ସେହିପରି କଟକ ନୂଆ ଡିସିପି ଭାବେରେ ପ୍ରତୀକ ସିଂହ ଦାୟିତ୍ୱ ଗ୍ରହଣ କରିଛନ୍ତି । ପୂର୍ବ ଡିସିପି ଅଖିଳେଶ୍ୱର ସିଂହ ଦାୟିତ୍ୱ ହସ୍ତାନ୍ତର କରିଛନ୍ତି । ପୂର୍ବରୁ ପ୍ରତୀକ ସିଂହ କନ୍ଧମାଳ ଏସିପି ଭାବେ କାର୍ଯ୍ୟ କରୁଥିଲେ । ପୋଲିସ ସେବା ଭବନରେ ମଧ୍ୟାହ୍ନ ୧୨ ଟାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପୋଲିସ କମିଶନର ସୁଧାଂଶୁ ଷଡଙ୍ଗୀ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ । ଦୁଇ ଡିସିପି ଆଗାମୀ ଦିନରେ ନିଷ୍ଠାର ସହ କାର୍ଯ୍ୟ କରିବେ ବୋଲି କହିଛନ୍ତି ।