ଭୁବନେଶ୍ୱର- ଅବସାରପ୍ରାପ୍ତ ବରିଷ୍ଠ ଆଇଏଏସ୍ ଅଧିକାରୀ ପ୍ରିୟବ୍ରତ ପଟ୍ଟନାୟକଙ୍କ ପରଲୋକ ହୋଇଛି । ମୁମ୍ବାଇର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ୬୭ ବର୍ଷ ବୟସରେ ତାଙ୍କର ମୃତ୍ୟୁ ହୋଇଛି । ଏସମ୍ପର୍କରେ ତାଙ୍କ ସମ୍ପର୍କୀୟ ଭାଇ ସିଦ୍ଧାର୍ଥ ମହାନ୍ତି କହିଛନ୍ତି । କିଛିଦିନ ଧରି ସେ ଲିଭର କ୍ୟାନସରରେ ପୀଡିତ ଥିଲେ । ଆଜି ସକାଳ ୭.୩୦ ସମୟରେ ଶେଷ ନିଶ୍ୱାସ ତ୍ୟାଗ କରିଛନ୍ତି ବୋଲି ସୂଚନା ମିଳିଛି । ୧୯୭୬ ବ୍ୟାଚର ଆଇଏସ ଅଫିସର ତାଙ୍କ କ୍ୟାରିୟର ଭିତରେ ଅନେକ ଗୁରୁତ୍ୱପୂର୍ଣ୍ଣ ବିଭାଗର ଦାୟିତ୍ୱ ଦକ୍ଷତାର ସହିତ ସମ୍ଭାଳି ଥିଲେ । ଓଡିଶା ଜୁଡୋ ଆସୋସିଏର ସେ ସଭାପତି ମଧ୍ୟ ଥିଲେ । ତାଙ୍କର ଭିନ୍ନ କାର୍ଯ୍ୟଶୈଳୀ ଯୋଗୁଁ ସେ ବେଶ ଲୋକପ୍ରିୟ ଥିଲେ । ସମାଜିକ ଓ ପ୍ରଶାସନିକ କ୍ଷେତ୍ରରେ ତାଙ୍କର ଅବଦାନ ଅତୁଳନୀୟ ଥିଲା । ତାଙ୍କ ମରଶରୀରକୁ ମୁମ୍ବାଇରୁ ଓଡିଶା ଆଣିବାକୁ ପ୍ରୟାସ ଜାରି ରହିଛି।