ଭୁବନେଶ୍ୱର- ରାଜ୍ୟରେ ଆଜିଠାରୁ ଆରମ୍ଭ ହେଲା ମାଟ୍ରିକ ସପ୍ଲିମେଂଟାରୀ ଓ ଓଡିଶା ଓପନ ସ୍କୁଲ ସାର୍ଟିଫିକେଟ ପରୀକ୍ଷା । ଏହା ପରୀକ୍ଷା ସେପ୍ଟେମ୍ବର ୨୪ ତାରିଖ ପର୍ଯ୍ୟନ୍ତ ଚାଲିବ । ୧୫୩ଟି ପରୀକ୍ଷା କେନ୍ଦ୍ରରେ ୨୨,୪୬୯ ମାଟ୍ରିକ ସପ୍ଲିମେଂଟାରୀ ଛାତ୍ରଛାତ୍ରୀ ପରୀକ୍ଷା ଦେଉଥିବା ବେଳେ ୮୮ଟି କେନ୍ଦ୍ରରେ ୧୨,୯୩୯ ଓଡିଶା ଓପନ ସ୍କୁଲ ସାର୍ଟିଫିକେଟ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି । ପରୀକ୍ଷା କେନ୍ଦ୍ରରେ କୋଭିଡ ଗାଇଡଲାଇନ ନିୟମ ମାନବା ସହ ସାମାଜିକ ଦୂରତା ଓ ମାସ୍କ ବାଧ୍ୟତା ମୂଳକ କରାଯାଇଛି । ପରୀକ୍ଷା ଖାତା ଦେଖିବା ପାଇଁ ୨୦ ଟି ମୂଲ୍ୟାନ କେନ୍ଦ୍ର ଚୟନ କରାଯାଇଛି ।