ଶ୍ରୀନଗର : ଚଳିତ ବର୍ଷ ମେ ମାସରେ ଶ୍ରୀନଗର ପାଣ୍ଡାଚ୍ ରେ ହୋଇଥିବା ଆତଙ୍କବାଦୀ ଆକ୍ରମଣର ପର୍ଦ୍ଦାଫାସ ହୋଇଛି। ଏହି ଆକ୍ରମଣରେ ସାହାଯ୍ୟ କରିଥିବା ଆଇଏସଜେକେ ଆତଙ୍କବାଦୀଙ୍କୁ ଗିରଫ କରାଯାଇଛି। ଏହା ସହିତ ଦୁଇଟି ଆମ୍ବୁଲାନ୍ସ ଏବଂ ଗୋଟିଏ ବାଇକ୍ ଜବତ କରାଯାଇଛି। ଏମାନେ ଆକ୍ରମଣ ଘଟାଇ ଥିବା ସେହି ଆତଙ୍କବାଦୀଙ୍କୁ ଗାଡି ଏବଂ ଗୋଳା ବାରୁଦ ଯୋଗାଇଥିଲେ। ସୂଚନାଯୋଗ୍ୟ, ମେ ୨୦ରେ ଆତଙ୍କବାଦୀମାନେ ଶ୍ରୀନଗର ଜିଲ୍ଲାର ସୀମାନ୍ତରେ ଥିବା ବିଏସଏଫର ସୀମା ସୁରକ୍ଷା କର୍ମୀଙ୍କ ଉପରେ ଆକ୍ରମଣ କରିଥିଲେ। ବିଏସ୍ଏଫ୍ ର ୩୭ତମ ବାଟାଲିଅନ୍ କଣ୍ଟିଜେଣ୍ଟ୍ ଶ୍ରୀନଗର ଜିଲ୍ଲା ମୁଖ୍ୟାଳୟଠାରୁ ୧୭ କିମି ଦୂରରେ ଥିବା ପାଣ୍ଡାଚ୍ ଚକ୍ ଅଞ୍ଚଳରେ ଆକ୍ରମଣ ହୋଇଥିଲେ । ସନ୍ଧ୍ୟା ୫ଟା ବେଳେ ବାଇକରେ ତିନିଜଣ ଆତଙ୍କବାଦୀ ସେଠାରେ ପହଞ୍ଚି ଯବାନଙ୍କ ଉପରେ ଅର୍ତକିତ ଭାବରେ ଗୁଳି ଚଳାଇବା ଆରମ୍ଭ କରିଥିଲେ। ଏହି ଆକ୍ରମଣରେ ଦୁଇ ଯବାନ ପ୍ରାଣ ହରାଇଥିଲେ। ଆକ୍ରମଣ ପରେ ଆତଙ୍କବାଦୀମାନେ ଉଭୟ ଯୁରକ୍ଷାକର୍ମୀଙ୍କ ଅସ୍ତ୍ର ନେଇ ପଳାଇଥିଲେ।