ଭୁବନେଶ୍ୱର- ରାଜଧାନୀରୁ ଠାବ ହୋଇଛି ନକଲି ଇଞ୍ଜନି ଅଏଲ ତିଆରି କାରଖାନା । ଭୁବନେଶ୍ୱର ମଂଚେଶ୍ୱର ଥାନା ଚକେଇସିଆଣିରେ ଏହି ନକଲି କାରଖାନା ଠାବ ହୋଇଛି । ବିଶେଷ ସୂତ୍ରରୁ ଖବର ପାଇ ଗତକାଲି ସନ୍ଧ୍ୟାରେ କମିଶନରେଟ ପୋଲିସ ଉକ୍ତ କାରଖାନାରେ ଚଢାଉ କରିଥିଲା । ଏହି ଘଟଣାରେ ୩ଜଣଙ୍କୁ ଗିରଫ କରିବା ସହ ୨ ଶହ ଲିଟର କ୍ଷମତା ବିଶିଷ୍ଟ ୬୦ରୁ ଅଧିକ କିରୋସିନି ଡ୍ରମ ଏବଂ କିଛି ପୋଡା ମୋବିଲକୁ ଜବତ କରିଛି ପୋଲିସ । ତେବେ ପୋଲିସ ଏହି ଘଟଣାର ଅଧିକ ତଦନ୍ତ କରୁଛି ବୋଲି ସୂଚନା ମିଳିଛି ।