କଟକ- କଟକ ଜଗତପୁର ଆଇବି ରୋଡରେ ଏକ ନକଲି ସସ ଫ୍ୟାକ୍ଟ୍ରି ଚଢାଉ କରିଛି ପୋଲିସ । ବିପୁଳ ପରିମାଣର ନକଲି ସସ ଓ ବିଭିନ୍ନ ସାମଗ୍ରୀ ଜବତ କରିବା ସହ ଦୁଇ ଜଣଙ୍କୁ ଅଟକ ରଖିଛି । ଚଢାଉ ସମୟରେ ଭୁବନେଶ୍ୱର ମଂଚେଶ୍ୱର ଅଂଚଳରେ ଥିବା ଏକ ମାନୁଫ୍ୟାକ୍ଟରିଂ କଂପାନିର ଷ୍ଟିକର ଜବତ ହୋଇଛି । ଏନେଇ ସିଏମସିର ସ୍ୱାସ୍ଥ୍ୟ ବିଭାଗକୁ ପୋଲିସ ଖବର ଦେଇଛି । ଏହି ଫ୍ୟାକ୍ଟ୍ରି ବିନା ଟ୍ରେଡ ଲାଇସେନ୍ସରେ ଚାଲୁଥିଲା । ପୋଲିସ ଏହା ଜାଣିବା ପରେ ଚଢାଉ କରିଥିଲା । ଏହି ଅଭିଯୋଗକୁ ଖଣ୍ଡନ କରିଛି ଫ୍ୟାକ୍ଟ୍ରି ମାଲିକ । ପୋଲିସ ଏହି ଘଟଣାର ଅଧିକ ତଦନ୍ତ କରୁଛି ।