କାଠମାଣ୍ଡୁ- ନେପାଳରେ ବନ୍ୟା ପରିସ୍ଥିତି ଗମ୍ଭୀର ହୋଇଛି । ଶନିବାର ପ୍ରବଳ ବର୍ଷା ଯୋଗୁ ମାୟାଗଡି ଜିଲ୍ଲାରେ ଭୂସ୍କଳନ ଘଟି ୧୧ଜଣଙ୍କ ମୃତ୍ୟୁ ହୋଇଥିବା ବେଳେ ୨୩ ଜଣ ନିଖୋଜ ଅଛନ୍ତି । ମାରାଙ୍ଗଠାରୁ ୧୦ ଜଣଙ୍କ ମୃତଦେହ ଉଦ୍ଧାର କରାଯାଇଛି । ଏଠାରେ ୧୧ଜଣ ଏବେ ଯାଏ ନିଖୋଜ ଅଛନ୍ତି । ତେବେ ଅନ୍ୟ କେତେକ ସ୍ଥାନରେ ମଧ୍ୟ ଏଭଳି ଦୁର୍ଘଟଣା ଘଟିଛି । ମାଟି ଅତଡା ତଳେ ୪୩ଟି ବାସଗୃହ ପୋତି ହୋଇ ରହିଛି । ପ୍ରାୟ ୪୦୦ ବିପନ୍ନ ସୁରକ୍ଷିତ ସ୍ଥାନରେ ଥଇଥାନ କରାଯାଇଛି । ସମ୍ପୃକ୍ତ ଅଂଚଳରେ ଉଦ୍ଧାର ଓ ସହାୟ୍ତା ଜାରି ରହିଥିବା ବେଳେ ମୃତ୍ୟୁ ସଂଖ୍ୟା ବଢିବା ର ଆଶଙ୍କା ରହିଛି ।