ପାଟନା: ବିହାରର ମୁଙ୍ଗେର ଅଂଚଳରେ ଜଣେ ବିଜେପ ନେତାଙ୍କୁ ଗୁଳିମାଡ ହୋଇଛି । ବୁଧବାର ମୁଙ୍ଗେରସ୍ଥିତ ଇଭନିଂ କଲେଜ ନିକଟରେ ଦୁର୍ବୁତମାନେ ବିଜେପି ମୁଖପାତ୍ର ଡଃ. ଅଜଫର ଶମସୀଙ୍କୁ ଗୁଳିମାଡ କରିଛନ୍ତି । ଅଜରଙ୍କ ଜଘଂରେ ଗୁଳି ବାଜିଥିବା ବେଳେ ତାଙ୍କୁ ଗୁରୁତର ଅବସ୍ଥାରେ ସଦର ହସ୍ପିଟାଲରେ ଭର୍ତି କରାଯାଇଛି । ସ୍ପଷ୍ଟ ଦିବାଲୋକରେ ବିଜେପିର ଜଣେ ବରିÂ ନେତାଙ୍କୁ ଗୁଳିମାଡ ଘଟଣା ସ୍ଥାନୀୟ ଅଂଚଳରେ ଚାଂଚଲ୍ୟ ସୃଷ୍ଟି କରିଛି । ଅଜଫର ଇଭନିଂ କଲେଜରେ ପ୍ରଫେସର ମଧ୍ୟ ଅଛନ୍ତି । ଆଜି ସେ ନିଜ କାରରୁ ଓହ୍ଲାଇ କଲେଜ ପରିସରକୁ ବାହାରୁ ଥିବାବେଳେ ଦୁର୍ବୃତମାନେ ଗୁଳିମାଡ କରିଥିଲେ । ଫଳରେ ଗୁରୁତର ଅବସ୍ଥାରେ ସେ ତଳେ ପଡିଯାଇଥିଲେ । ଏହି ଘଟଣା ପଛରେ ରାଜନୈତିକ ଶତ୍ରୁତା କି ଅନ୍ୟ କଣ କାରଣ ରହିଛି ତାହାର ଖୋଳତାଡ କରୁଛି ପୁଲିସ ।