କଟକ- ପ୍ରତି ବୁଧବାର କଟକ ମାଲଗୋଦାମ ବନ୍ଦ ରଖିବାକୁ କଟକ ମହାନଗର ନିଗମ ପକ୍ଷରୁ କୁହାଯାଇଛି । ଅଣଅତ୍ୟାବଶ୍ୟକ ସାମଗ୍ରୀ ଦୋକାନ ସକାଳ ୭ରୁ ୧୦ ଓ ହୋଲସେଲିଂ ଗୋଦାମ ଦିନ ୧୦ରୁ ୨ ଟା ପର୍ଯ୍ୟନ୍ତ ଖୋଲା ରହିବ । ସେହିପରି ଖୁଚୁରା ଦୋକାନ ଗୁଡିକ ଦିନ ୨ ଟାରୁ ରାତି ୮ ଟା ଯାଏଁ ଖୋଲା ରହିବ ବୋଲିି ସିଏମସି ପକ୍ଷରୁ କୁହାଯାଇଛି । ବୁଧବାର କଟକରୁ ୧୪୩ କରୋନା ଆକ୍ରାନ୍ତ ହୋଇଥିବା ବେଳେ ମାଲଗୋଦାମ କଂଟେନମେଂଟ ଜୋନରୁ ୬୨ ଜଣ ପୁରୁଷ ଓ ୫୦ ମହିଳା କରୋନା ପଜିଟିଭ ଚିହ୍ନଟ ହେବାପରେ ମହାନଗର ନିଗମ ପକ୍ଷରୁ ଏଭଳି ନିଷ୍ପତି ନିଆଯାଇଛି ।