ଭୁବନେଶ୍ୱର: ରାଜ୍ୟରେ କମୁଛି କରୋନା ପ୍ରଭାବ । ଗତ ୨୪ ଘଂଟାରେ ରାଜ୍ୟରେ ଆଉ ୨୩୧ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ସୂଚନା ଲୋକ ସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ଏଥିସହ ରାଜ୍ୟରେ କୌଣସି କରୋନା ସଂକ୍ରମଣ ପ୍ରାଣ ହରାଇନାହାନ୍ତି । ୨୮ ଜିଲ୍ଲା ଓ ଷ୍ଟେଟପୁଲରୁ ଏହି ଆକ୍ରାନ୍ତମାନେ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୧୩୩ ଜଣ କ୍ୱାରେନଂଟାଇନ ଓ ସ୍ଥାନୀୟ ସଂକ୍ରମିତ ୯୮ ଜଣ ହେଉଛନ୍ତି । ଅନୁଗୁଳ ଜିଲ୍ଲାରୁ ସର୍ବାଧିକ ୨୧ ଜଣ ରହିଛନ୍ତି । ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୩,୩୦,୯୨୧ ପହଂଚିଥିବା ବେଳେ ୩୨୬୭୭୮ ଜଣ ସୁସ୍ଥ ହୋଇସାରିଛନ୍ତି । ୨୨୦୩ ଜଣ ଚିକିତ୍ସାଧୀନ ଅଛନ୍ତି । ରାଜ୍ୟରୁ 24 ଘଣ୍ଟା ମଧ୍ୟରେ କୋଣସି କରୋନା ସଂକ୍ରମିତ ପ୍ରାଣ ହରାଇ ନ ଥିବା ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ୍ ଯୋଗେ ସୂଚନା ପ୍ରଦାନ କରାଯାଇଛି । ଟ୍ୱିଟ୍ରେ ଉଲ୍ଲେଖ ରହିଛି ଯେ, ‘ଖୁସି ଖବର, ଦୀର୍ଘ ୬ମାସ ପରେ ଜାନୁଆରୀ ୫ ତାରିଖରେ ରାଜ୍ୟରେ କୋଣସି ବି କରୋନା ସଂକ୍ରମିତ ପ୍ରାଣ ହରାଇନାହାନ୍ତି । ଯେଉଁ କୋଭିଡ୍ ଯୋଦ୍ଧାମାନେ ଅପ୍ରାଣ ଉଦ୍ୟମ କରି ଏହାକୁ ସମ୍ଭବ କରିଛନ୍ତି ଆମେ ସେମାନଙ୍କୁ ସାଲ୍ୟୁଟ୍ କରୁଛୁ ।’