ଶପଥ ପୂର୍ବରୁ ନବ ନିର୍ବାଚିତ ରାଷ୍ଟ୍ରପତି ବାଇଡେନ୍ ଙ୍କ ୭୮ ବର୍ଷରେ ପଦାର୍ପଣ: ଆମେରିକା ଇତିହାସର ସବୁଠୁ ବୟସ୍କ ରାଷ୍ଟ୍ରପତି

ୱାସିଂଟନ୍: ରାଷ୍ଟ୍ରପତି ନିର୍ବାଚିତ ଜୋ ବାଇଡେନ୍ ୭୮ ବର୍ଷରେ ପଦାର୍ପଣ କରୁଛନ୍ତି । ରାଷ୍ଟ୍ରପତି ଡୋନାଲ୍ଡ୍ ଟ୍ରମ୍ପଙ୍କ ଠାରୁ ଦାୟିତ୍ୱ ଗ୍ରହଣ କରିବା ପରେ ସେ ହେବେ ଯୁକ୍ତରାଷ୍ଟ୍ର ଆମେରିକା ଇତିହାସରେ ସବୁଠୁ ବୟସ୍କ ରାଷ୍ଟ୍ରପତି ୨୦୨୧ ଜାନୁଆରୀରେ ଶପଥ ଗ୍ରହଣ କରିବାକୁ ଥିବା ବାଇଡେନ୍ ଦେଶର ଇତିହାସରେ ସବୁଠୁ ବୟସ୍କ ରାଷ୍ଟ୍ରପତି ହୋଇଥିବା ରୋନାଲଡ୍ ରିଗାନ୍ ରେକର୍ଡ ଭାଙ୍ଗିବେ । ୧୯୮୯ରେ ହ୍ୱାଇଟ୍ ହାଉସ୍ ଛାଡିବା ବେଳେ ରିଗାନ୍ଙ୍କ ହୋଇଥିଲା ୭୭ ବର୍ଷ ୩୪୯ ଦିନ । ଉଭୟ ଜୋ ବାଇଡେନ୍ ଏବଂ ତାଙ୍କ ଠାରୁ ୪ ବର୍ଷ ସାନ ଡୋନାଲ୍ଡ ଟ୍ରମ୍ପଙ୍କ ବୟସ ଓ ସ୍ୱାସ୍ଥ୍ୟ ଯୁକ୍ତରାଷ୍ଟ୍ର ଆମେରିକା ରାଷ୍ଟ୍ରପତି ନିର୍ବାଚନ ପ୍ରଚାର ଅଭିଯାନରେ କଳ୍ପନାଜଳ୍ପନା ଚାଲିଥିଲା । ଯଦି ନିର୍ବାଚିତ ହୁଅନ୍ତି ତାଙ୍କ ସ୍ୱାସ୍ଥ୍ୟ ସମ୍ବନ୍ଧୀୟ କୌଣସି ବିବରଣୀ ଗୁପ୍ତ ରଖିବେ ନାହିଁ ବୋଲି ‘ସିଏନ୍ଏନ୍’ ସହ ସାକ୍ଷାତକାରରେ ବାଇଡେନ୍ ପ୍ରତିଶ୍ରୁତି ଦେଇଥିଲେ । ଗତ ଡିସେମ୍ବର ମାସରେ ବାଇଡେନ୍ଙ୍କ ପ୍ରଚାର ଅଭିଯାନ ତାଙ୍କ ମେଡିକାଲ ରିପୋର୍ଟ ରିଲିଜ୍ କରିଥିଲା । ବାଇଡେନ୍ଙ୍କ ଚିକିତ୍ସାକ ଡାକ୍ତର କେଭିନ୍ ଓ କର୍ଣ୍ଣର୍ ସେଥିରେ ଲେଖିଥିଲେ, ବାଇଡେନ୍ ସୁସ୍ଥ ଏବଂ ଶୌର୍ଯ୍ୟବନ୍ତା ରାଷ୍ଟ୍ରପତି କାର୍ଯ୍ୟ ସମ୍ପାଦନ ପାଇଁ ସେ ସମ୍ପୂର୍ଣ୍ଣ ଉପଯୁକ୍ତ ।