ଜେନେଭା : ଜଣେ କରୋନା ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିବା କାରଣରୁ ନିଜକୁ ସେଲଫ୍ କ୍ବାରେଣ୍ଟାଇନ କରିଛନ୍ତି ବିଶ୍ୱ ସ୍ୱାସ୍ଥ୍ୟ ସଂଗଠନର ମହାନିର୍ଦ୍ଦେଶକ ଟେଡ୍ରୋସ୍ ଆଡାନୋମ୍ ଘେବ୍ରିୟସ । ବିଶ୍ଵ ସ୍ବାସ୍ଥ୍ୟ ସଙ୍ଗଠନ ମହାନିର୍ଦେଶ ଡ଼. ଟେଡ଼୍ରୋସ ଘେବ୍ରିୟସ କରୋନାଭାଇରସ୍ ସଂକ୍ରମିତ ବ୍ୟକ୍ତିଙ୍କ ସଂସ୍ପର୍ଶରେ ଆସିବା ରବିବାର ନିଜକୁ ପୃଥକବାସରେ ରହିବାକୁ ଘୋଷଣା କରିଛନ୍ତି। ବିଶ୍ଵ ସ୍ବାସ୍ଥ୍ୟ ସଙ୍ଗଠନ ମହାନିର୍ଦେଶ ଡ଼. ଟେଡ଼୍ରୋସ ଘେବ୍ରିୟସ ଟ୍ବିଟ କରି କହିଛନ୍ତି ଯେ ‘ମୁଁ କୋଭିଡ ପଜିଟିଭ୍ ଥିବା ଜଣେ ବ୍ୟକ୍ତିଙ୍କ ସଂସ୍ପର୍ଶରେ ଆସିଛି। ମୁଁ ଭଲ ଅଛି ଏବଂ ମୋ ପାଖରେ କିଛି ଲକ୍ଷଣ ନାହିଁ କିନ୍ତୁ ବିଶ୍ଵ ସ୍ବାସ୍ଥ୍ୟ ସଙ୍ଗଠନର ପ୍ରୋଟୋକଲ୍ ଅନୁଯାୟୀ ମୁଁ ନିଜକୁ ସେଲଫ୍ କ୍ବାରେଣ୍ଟାଇନ କରୁଛି। ସେଲଫ୍ କ୍ବାରେଣ୍ଟାଇନ ସମୟରେ ମୁଁ ଘରୁ କାମ କରିଛି ବୋଲି ଡ଼. ଟେଡ଼୍ରୋସ ଘେବ୍ରିୟସ କହିଛନ୍ତି। ସେ ଆହୁରୀ ମଧ୍ୟ କହିଛନ୍ତି ଯେ ମହାମାରୀ ମଧ୍ୟରେ ସ୍ୱାସ୍ଥ୍ୟ ନିର୍ଦ୍ଦେଶାବଳୀ ପାଳନ କରିବା ଜରୁରୀ ଅଟେ। ସଂକ୍ରମଣ ହ୍ରାସ କରିବା ଏବଂ ସ୍ୱାସ୍ଥ୍ୟସେବା ବ୍ୟବସ୍ଥାର ଭାରକୁ ଦୂର କରିବା ପାଇଁ ସେ ଗୁରୁତ୍ୱାରୋପ କରିଛନ୍ତି। ଏଥି ସହିତ ଡ଼. ଟେଡ଼୍ରୋସ ଘେବ୍ରିୟସ କହିଛନ୍ତି ମହାମାରୀ ସମୟରେ ବିଶ୍ଵ ସ୍ବାସ୍ଥ୍ୟ ସଙ୍ଗଠନର ସହକର୍ମୀ ଏବଂ ମୁଁ ବିଶ୍ଵର ସମସ୍ତ ଜନସାଧାରଣଙ୍କ ଜୀବନ ରକ୍ଷା ତଥା ଲୋକଙ୍କୁ ସୁରକ୍ଷା ଦେବା ପାଇଁ ସହଭାଗୀ ଭାବେ କାମ କରିବା ଜାରି ରଖିବୁ ।