କରୋପୁଟ- ରାଜ୍ୟରେ ଗଞ୍ଜେଇର ଚୋରାଚାଲାଣ ଦିନକୁ ଦିନ ବଢିବାରେ ଲାଗିଛି । ଗତକାଲି ସୁରତରୁ ୫୬ ଲକ୍ଷ ଟଙ୍କାର ଗଞ୍ଜେଇ ଜବତ ହେବାପରେ ଆଜି ପୁଣି କୋରାପୁଟରୁ ଜବତ ହୋଇଛି ୭୦ ଲକ୍ଷରୁ ଉଦ୍ଧ୍ୱ ଟଙ୍କାର ଗଞ୍ଜେଇ । ଜୟପୁରରୁ କୋରାପୁଟରୁ ଆସୁଥିବା ୧୫୨୦ କେଜି ଗଞ୍ଜେଇ ବୋଝେଇ ଟ୍ରକକୁ କୋରାପୁଟ ଟାଉନ ପୋଲିସ ଜବତ କରିଛି । ଘଟଣାସ୍ଥଳରୁ ଡ୍ରାଇଭର ଫେରା ହୋଇଯାଇଛି । ଉକ୍ତ ଟ୍ରକର ନମ୍ବର ପଞ୍ଜାବ ରାଜ୍ୟର ହୋଇଥିବାରୁ କୋରାପୁଟରୁ ପଞ୍ଜାବ ଯାଏ ଚେର ଲମ୍ବିଥିବା ଆଶଙ୍କା କରାଯାଉଛି । ତେବେ ଗଞ୍ଜେଇ କେଉଁଠୁ କେଉଁଠିକୁ ଚାଲାଣ କରାଯାଉଥିଲା ଓ ଏଥିରେ ଅନ୍ୟ କେଉଁମାନେ ସମ୍ପୃକ୍ତ ଅଛନ୍ତି ତାହାର ତଦନ୍ତ ପକ୍ରିୟା ଜାରି ରହିଛି ବୋଲି ଏସଡିପିଓ କହିଛନ୍ତି ।