କୋରାପୁଟ- ଆଜି କରୋପୁଟ ଜିଲ୍ଲା ଲମତାପୁଟର କଡ୍ରି ଗାଁ ନିକଟରୁ ୬୦୦ କେଜିର ଗଞ୍ଜେଇ ବୋଝେଇ ଭ୍ୟାନ ଜବତ କରିଛି ସ୍ଥାନୀୟ ପୋଲିସ । ଏହାର ଆନୁମାନିକ ମୂଲ୍ୟ ୨୦ ଲକ୍ଷ ଟଙ୍କାରୁ ଅଧିକ ରହିଛି । ମିଳିଥିବା ସୂଚନା ଅନୁଯାୟୀ କଡ୍ରି ଗାଁ ରାସ୍ତା ଦେଇ ଜଳାପଉଯରୁ ଜୟପୁର ଅଭିମୁଖେ ଭ୍ୟାନରେ ଗଞ୍ଜେଇ ଚୋରାଚାଲାଣ ହୋଉଥିଲା । ପୋଲିସ ବିଶେଷ ସୂତ୍ରରୁ ଖବର ପାଇଥିଲା । ଗତକାଲି ରାତିରେ ପୋଲିସ ପାଟ୍ରୋଲିଂ କରୁଥିବା ସମୟରେ କଡ୍ରି ଗାଁ ନିକଟରେ ପୋଲିସ ଭ୍ୟାନ ସହିତ ଗଞ୍ଜେଇକୁ ଜବତ କରିଥିଲେ । କିନ୍ତୁ ଘଟଣା ସ୍ଥଳରୁ ଦୁଇ ଅଭିଯୁକ୍ତ ଫେରାର ହୋଇଯାଇଥିଲେ । ତେବେ ଗଞ୍ଜେଇ କେଉଁଠାକୁ ଚାଲାଣ ହେଉଥିଲା, ଏହା ପଛରେ ଆଉ ଅନ୍ୟ କାହାର ହାତ ଅଛି ବୋଲି ପୋଲିସ ତଦନ୍ତ କରୁଛି ।