ଭୁବନେଶ୍ୱର- ଯୁକ୍ତ ୩ ଆଡମିସନ ପାଇଁ ଉଚ୍ଚ ଶିକ୍ଷା ବିଭାଗ ପକ୍ଷରୁ ଗାଇଡଲାଇନ ଜାରି କରାଯାଇଛି । ଗୋଟିଏ ପର୍ଯ୍ୟୟରେ ୩ ରାଉଣ୍ଡରେ ହେବ ଆଡମିସନ । ଏସଏମଏସ ପୋର୍ଟାଲରେ ଛାତ୍ରଛାତ୍ରୀ ନିଜ ମୋବାଲ ଓ ଇମେଲ ଆଇଡି ଦେଇ ଆଡମିଶନ ପାଇଁ ଆବେଦନ କରିପାରିବେ । ଆବେଦନ ସମୟରେ ମାର୍କ ସିଟ୍ କିମ୍ବା ସାର୍ଟିର୍ଫିକଟ୍ ଅପଲୋଡ କରିବାକୁ ପଡିବନି । ସେହିପରି କଲେଜ କର୍ତୃପକ୍ଷ ଆଡମିଶନ ସମ୍ପର୍କରେ କ୍ୟାମ୍ପସରେ ପୋଷ୍ଟର ଲଗାଇବେ । ଏହାସହ ହେଲପ ଡେସ୍କ, ଇଂଟରନେଟ୍ କେନ୍ଦ୍ର, ନିରବଛନ୍ନ ବିଦ୍ୟୁତ ସେବା ଉପଲ୍ଲବ୍ଧ ରଖିବାକୁ ସବୁ ଡିଗ୍ରୀ କଲେଜ କର୍ତୃପକ୍ଷଙ୍କୁ ଉଚ୍ଚଶିକ୍ଷା ବିଭାଗ ପକ୍ଷରୁ ନିର୍ଦେଶ ଦିଆଯାଇଛି ।