ଭୁବନେଶ୍ୱର- ରାଜ୍ୟରେ ବୁଧବାର ନୂଆ ୨୮୨ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୨୫୬ ସଙ୍ଗରୋଧ କେନ୍ଦ୍ରର ହୋଇଥିବା ବେଳେ ୨୬ ଜଣ ସ୍ଥାନୀୟ ସଂକ୍ରମିତ ରହିଛନ୍ତି । ଏନେଇ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ଚିହ୍ନଟ ନୂତନ ଆକ୍ରାନ୍ତଙ୍କ ମଧ୍ୟରୁ ଗଜପତିର ୭୬ ଜଣ ,ଗଞ୍ଜାମ ୭୫. ଖୋର୍ଦ୍ଧା ୨୬ , ଝାରସୁଗୁଡା ୨୩,ଭୁବନେଶ୍ୱର୨୨, କନ୍ଧମାଳ ୧୭ ,ଜଗତସିହଂପୁର ୧୧, ପୁରୀ ୯ ,ଯାଜପୁର ୬,ବାଲେଶ୍ୱର ୩, କଟକ ୪, ସମ୍ବଲପୁର ୩, ମୟୂରଭଞ୍ଜ ୬, ଅନୁଗୁଳ, ସୁନ୍ଦରଗଡ, ବଲାଙ୍ଗୀର, କୋରାପୁଟ ୧ଓ ନୟାଗଡରୁ ଜଣେ ଲେଖାଏଁ ରହିଛନ୍ତି । ସେହିପରି ବାତ୍ୟା ଅମ୍ପାନରେ ନିୟୋଜିତ ଏନଡିଆରଏଫ ୮କର୍ମଚାରୀ କରୋନାରେ ସଂକ୍ରମିତ । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୫୭୫୨ କୁ ବୃଦ୍ଧି ପାଇଥିବା ବେଳେ ୩୯୮୮ଜଣ ସୁସ୍ଥ ହୋଇଛନ୍ତି । ଏମାନଙ୍କ ମଧ୍ୟରୁ ୧୭୪୦ ସକ୍ରିୟ ମାମଲା ରହଥିବା ବେଳେ ୧୭ ଜଣଙ୍କ ମୃତ୍ୟୁ ହୋଇଛି ।