ଭୁବନେଶ୍ୱର- ରାଜ୍ୟରେ କରୋନା ସ୍ଥିତି ଉଦବେଗ ଜନକ ହେବାରେ ଲାଗିଛି । ଗୋଟିଏ ଦିନରେ ସର୍ବାଧିକ ୨୫୧କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୨୦୮ ସଙ୍ଗରୋଧ କେନ୍ଦ୍ରର ହୋଇଥିବା ବେଳେ ଅନ୍ୟ ୪୩ ସ୍ଥାନୀୟ ସଂକ୍ରମିତ ରହିଛନ୍ତି ବୋଲି ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ କୁହାଯାଇଛିି । ଚିହ୍ନଟ ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମରୁ ସର୍ବାଧିକ ୧୦୨, କଟକ ୩୨, ଖୋର୍ଦ୍ଧା ୨୬, ନୟାଗଡ ୧୪, ବରଗଡ ଓ ପୁରୀରୁ୧୨ଜଣ ଲେଖାଏଁ, ମାଲଗାନାଗିରି ୧୦, ସୁନ୍ଦରଗଡ ୭, ଗଜପତି ୬, ମୟୂରଭଞ୍ଜ ୫, ବଲାଙ୍ଗୀର, କେନ୍ଦ୍ରାପଡା ଓ ଦେଓଗଡରୁ ୪ ଜଣ ଲେଖାଏଁ, ବାଲେଶ୍ୱର ଓ ସମ୍ବଲପୁର ୨ ଜଣ ଲେଖାଏଁ, ସୋନପୁର, ଯାଜପୁର ଓ ଅନୁଗୁଳରୁ ଜଣେ ଲେଖାଏଁ ରହିଛନ୍ତି । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୭୩୧୬ରେ ପଂହଚିଥିବା ବେଳେ ୫୧୮୯ ସୁସ୍ଥ ହୋଇଛନ୍ତି । ବର୍ତମାନ ସୁଦ୍ଧା ୨୦୯୪ ଆକଟିଭ କେସ ରହିଛି ।