ପୁରୀ-ଲିଳା ଖେଳା ସାରି ରତ୍ନବେଦୀରେ ବିରାଜମାନ କରିବେ ଶ୍ରୀଜିଉ । ପୁଣି ଚଳଚଞ୍ଚଳ ହେବ ଶ୍ରୀମନ୍ଦିର । ଷାଠିଏ ପଉଟି ଭୋଗ ପାଇଁ ଗହଳିହେବ ରୋଷଶାଳା । ଶ୍ରୀମନ୍ଦିରରୁ ମହାପ୍ରସାଦ ପାଇଁ ଧନ୍ୟ ହେବେ ଭକ୍ତ । ରତ୍ନ ବେଦୀରେ ମହାବାହୁଙ୍କୁ ଦର୍ଶନ ପାଇଁ ଗହଳି ଲାଗିବ । ଆଜି ସଂନ୍ଧ୍ୟା ଧୂପ ପରେ ରତ୍ନବେଦୀକୁ ଫେରିବେ ଚତୁର୍ଦ୍ଧା ମୁରତି । ସ୍ନାନ ପୂର୍ଣ୍ଣିମା ଦିନ ରତ୍ନବେଦୀ ଛାଡି ବାହାରକୁ ବାହାରିଥିଲେ ମହାବାହୁ । ପରେ ଅଣସର ଘରେ ରହି ଭକ୍ତକୁ ଦର୍ଶନ ଦେବାକୁ ରଥାରୁଢ ହୋଇ ଜନ୍ମବେଦୀକୁ ଗଲେ । ତା ପରେ ବାହୁଡା ବେଶ, ଅଧରପଣା ଓ ଶେଷରେ ନୀଳାଦ୍ରି ବିଜେ ସହିତ ଶେଷ ହେବ ମାହାପ୍ରଭୁଙ୍କ ନବଦିନାତ୍ମକ ଯାତ୍ରା ।