ମୁମ୍ବାଇ- ବଲିଓଡ ଅଭିନେତା ସୁଶାନ୍ତ ସିଂ ରାଜପୁତ ମୁମ୍ବାଇ ସ୍ଥିତ ନିଜ ଘରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି । ଖବର ପାଇଁ ପୁଲିସ ଘଟଣା ସ୍ଥଳରେ ପଂହଚି ତଦନ୍ତ ଆରମ୍ଭ କରିଛନ୍ତି । ଆତ୍ମହତ୍ୟାର ପ୍ରକୃତ କାରଣ ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ସବୁକିଛି ଠିକ ଚାଲିଥିବା ବେଳେ ହଠାତ ସୁଶାନ୍ତ କାହିଁକି ଏଭଳି ପଦକ୍ଷେପ ନେଲେ ସମସ୍ତଙ୍କ ମନରେ ପ୍ରଶ୍ନ । ତାଙ୍କ ମୃତ୍ୟୁ କୁ ନେଇ ବଲିଓଡ ଜଗତରେ ଶୋକର ଛାୟା ଖେଳିଯାଇଛି ।ସେ ଟିଭି ଅଭିନେତା ଭାବରେ ନିଜର କ୍ୟାରିଅର ଆରମ୍ଭ କରିଥିଲେ । ପ୍ରଥମେ ‘କିସ୍ ଦେଶ ମେନ ହେ ମେରା ଦିଲ ନାମକ ଧାରାବାହିକରେ ନଜରକୁ ଆସିଥିଲେ । କପୁରଙ୍କ ଧାରାବାହିକ ପବିତ୍ର ରିସତାରେ ତାଙ୍କୁ ଲୋକ ଜାଣିବା ଆରମ୍ଭ କରିଥିଲେ । ପ୍ରଥମ କରି ବଲିଓଡ ଚଳଚ୍ଚିତ୍ର କାଇ ପୋ ଛେରେ ମୁଖ୍ୟ ଅଭିନେତା ଭାବରେ ଅଭିନୟ କରିଥିଲେ । ତାପରେ ଗୋଟିଏ ପରେ ଗୋଟିଏ ସିଢି ଚଢିବା ଆରମ୍ଭ କରିଥିଲେ ।