ଶ୍ରୀନଗର: ଜାମ୍ମୁ କଶ୍ମୀରର କୁଲଗାମରେ ଅଜଣା ଆତଙ୍କବାଦୀ ଗୁଳିରେ ଜଣେ ପୋଲିସ କର୍ମୀଙ୍କୁ ମୃତ୍ୟୁ ହୋଇଛି । ପୋଲିସ କର୍ମୀ ଜଣଙ୍କ ମୀର ବଜାର ଅଂଚଳର ଫୁରା ବାସିନ୍ଦା ଏବଂ ଗୁଲାମ ହାସନଙ୍କ ପୁଅ ଅବଦୁଲ ରସିଦ ଡର । ପୋଲିସ ସ୍ଥାନୀୟ ଲୋକଙ୍କ ସହାୟତାରେ ଅବଦୁଲଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତି କରିଥିଲା । ଚିକିତ୍ସାଧୀନ ଅବସ୍ଥାରେ ଅବଦୁଲଙ୍କ ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୫୮ ବର୍ଷ ହୋଇଥିଲା । କଶ୍ମୀର ଇନସପେକ୍ଟର ଜେନେରାଲ ଅଫ ପୋଲିସ (ଆଇଜିପି) ବିଜୟ କୁମାର କହିଛନ୍ତି , ଆତଙ୍କବାଦୀ ପୋଲିସ ଉପରକୁ ଅତର୍କିତ ଭାବେ ଗୁଳି କରି ଫେରାର ହୋଇଯାଇଥିଲା ।