ଭୁବନେଶ୍ୱର- ମହାମାରୀ କରୋନା ପାଇଁ ଚଳିତ ବର୍ଷା ଧୁମଧାମରେ ପାଳନ ହେବନି ଦୁର୍ଗାପଜା । ଭୁବନେଶ୍ୱରରେ ବିନା ଭକ୍ତରେ ହେବ ଦୁର୍ଗପୂଜା । ବିଭିନ୍ନ ପୂଜା କମିଟି ସହ ପୋଲିସ କମିଶନରଙ୍କ ବୈଠକରେ ଏହି ନିଷ୍ପତି ନିଆଯାଇଛି । ପୂଜାରେ ତୋରଣ କି ବିଭିନ୍ନ ରଙ୍ଗର ଆଲୋକମାଳା ଲାଗିବନି, ମାଇକ ବାଜିବନି, ପୂଜା କିମିଟିର ମାତ୍ର ୧୦ ଜଣ ସଦସ୍ୟଙ୍କୁ ନେଇ ପୂଜା କରାଯିବ, ଘର ଘର ବୁଲି ଚାନ୍ଦା ଆଦାୟ କରାଯିବନି, ଘରେ ରହି ସମସ୍ତେ ପୂଜା କରିବେ, ମୂର୍ତିର ଉଚ୍ଚତା ୪ରୁ ୫ ଫୁଟ ମଧ୍ୟରେ ରହିବ, ରାବଣ ପୋଡି କି ଭସାଣ କରାଯିବ ନାହିଁ, କେବଳ ମୂର୍ତି ବିସର୍ଜନ କରାଯିବା ପାଇଁ ବୈଠକରେ ନିଷ୍ପତି ହୋଇଛି ।