ଭୁବନେଶ୍ୱର- ଦ୍ୱୈତନଗରୀରେ କୋଭିଡ ନିୟମ କଡାକଡି ଠିକ ଭାବେ ପାଳନ କରାଯାଉନି ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଗିଦ କରିବା ପରେ ଏବେ ଆକସନ ମୋଡରେ ପୋଲିସ ଡିଜି ଅଭୟ । କୋଭିଡ ନିୟମ ମାନୁନଥିବା ଅମାନିଆଙ୍କୁ ସାବାଡ କରିବା ପାଇଁ କୋଭିଡ ଏନଫୋର୍ସମେଂଟ ଟିମକୁ ନିର୍ଦେଶ ଦେଇଛନ୍ତି ପୋଲିସ ଡିଜି । ଭୁବନେଶ୍ୱର ଓ କଟକରେ ୫୦ ଅଫିସର ଏବଂ ୫ ପ୍ଲାଟୁନ ଆର୍ମଡ ପୋଲିସ ରହିବେ । ଏମାନେ ଏନଫୋର୍ସମେଂଟ ଟିମକୁ ଅଧିକ କ୍ରିୟାଶୀଳ କରାଇବେ ଓ ଏଥିପାଇଁ ପ୍ରତି ଜୋନରେ ଜଣେ ଡିସିପି ନେତୃତ୍ୱ ନେବେ । କରୋନା ସଂକ୍ରମଣରେ ବେକ୍ରେ ଲଗାଇବା ପାଇଁ ପ୍ରଶାସନ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଉଛି । କିନ୍ତୁ ସଂକ୍ରମଣରେ ବେକ୍ରେ ଲାଗିବା ବଦଳରେ ଆକ୍ରାନ୍ତଙ୍କ ସଂଖ୍ୟା ଦ୍ରୁତ ବୃଦ୍ଧି ପାଉଛି । ଦ୍ୱୈତନଗରୀରରେ ଦେଖିବାକୁ ମିଳୁଛି ଲେକେ କରୋନା କଟକଣାକୁ ଫୁ କରି ଯାଆସ କରୁଛନ୍ତି । ତେବେ ଏହି ସବୁକୁ ଦୃଷ୍ଟିରେ ରଖି ମୁଖ୍ୟମନ୍ତ୍ରୀଙ୍କ ତାଗିଦ ପରେ କୋଭିଡ କଟକଣାକୁ କଡାକଡି କରିବା ପାଇଁ ପୋଲିସ ଡିଜି ନିର୍ଦେଶ ଦେଇଛନ୍ତିି ।