ନୂଆଦିଲ୍ଲୀ : ଦିଲ୍ଲୀ ମୋତିନଗର ସ୍ଥିତ ହାର୍ଲି ଡାଭିଡସନ ଶୋ’ ରୁମରେ ଅଗ୍ନିକାଣ୍ଡ ହୋଇଥିବା ନେଇ ଶନିବାର ଜଣାପଡ଼ିଛି। ନିଆଁ ଲିଭାଇବା କାର୍ଯ୍ୟରେ ୨୫ ଟି ଦମକଳ ଗାଡି ସହ ଅଗ୍ନିଶମ ବାହିନୀ ନିଯୋଜିତ ରହି ନିଆଁକୁ ଆୟତ୍ତ କରିଛନ୍ତି। ମିଳିଥିବା ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତି ପ୍ରାୟ ୧ଟା ୩୦ରେ ହାର୍ଲି ଡାଭିଡସନ ଶୋ’ ରୁମର ପ୍ରଥମ ଓ ଦ୍ୱିତୀୟ ମହଲାରେ ନିଆଁ ଲାଗି ଯାଇଥିଲା। ଧିରେ ଧିରେ ନିଆଁ ୩ୟ ମହଲାକୁ ବ୍ୟାପି ଯାଇଥିଲା। ସେଠାରେ କିଛି ଲୋକେ ଫସି ଯାଇଥିବା ବେଳେ ଦମକଳ କର୍ମଚାରୀ ବହୁ କଷ୍ଟରେ ସେମାନଙ୍କୁ ଉଦ୍ଧାର କରିଥିଲେ। ଭୋର ପ୍ରାୟ ୫ଟା୫୦ରେ ନିଆଁ ଆୟତ୍ତ କରାଯାଇଥିଲା। ଅଗ୍ନିକାଣ୍ଡର କାରଣ ଏଯାବତ ଅସ୍ପଷ୍ଟ ରହିଛି। କେତେ ପରିମାଣର କ୍ଷତି ହୋଇଛି ସେନେଇ କୌଣସି ସ୍ପଷ୍ଟ ସୂଚନା ମିଳିପାରି ନାହିଁ।