ଭୁବନେଶ୍ୱର: ଆଜି ହେଉଛି ବଲିଉଡର ଏହି ମହାନାୟକଙ୍କ ୭୮ତମ ଜନ୍ମଦିନ । ବଲିଉଡ ମହାନାୟକ, ବିଗ୍ ବି, ଆଙ୍ଗ୍ରି ୟଙ୍ଗ୍ ମ୍ୟାନ୍ ଏଭରଗ୍ରୀନ ଅମିତାଭ୍ ବଚ୍ଚନ ହିନ୍ଦୀ ଚଳଚ୍ଚିତ୍ର ଜଗତର ମହାନ କଳାକାରମାନଙ୍କ ମଧ୍ୟରୁ ଅନ୍ୟତମ। ଅମିତାଭଙ୍କ ଅଭିନୟଠାରୁ ଆରମ୍ଭ କରି ତାଙ୍କର ଗମ୍ଭୀର କଣ୍ଠସ୍ୱର ସାଙ୍ଗକୁ ଆକର୍ଷଣୀୟ ବ୍ୟକ୍ତିତ୍ୱର ଅଗଣିତ ପ୍ରେମିକ ରହିଛନ୍ତି। ଗତ ପାଞ୍ଚ ଦଶନ୍ଧି ଧରି ବଲିଉଡପ୍ରେମୀଙ୍କୁ ବାନ୍ଧି ରଖିଛନ୍ତି ବିଗ୍ ବି। ଦର୍ଶକ ଆଜି ବି ଅମିତାଭଙ୍କ ଅନ୍ଦାଜରେ ଫିଦା। ୧୯୬୯ ନଭେମ୍ବର ୭ରେ ରିଲିଜ୍ ‘ସାତ୍ ହିନ୍ଦୁସ୍ତାନୀ’ ଫିଲ୍ମରୁ ଆରମ୍ଭ ହୋଇଥିଲା ଅମିତାଭଙ୍କ କ୍ୟାରିୟର, ଯାହା ଆଜି ବି ସଫଳତାର ସହ ଜାରି ରହିଛି।