ଭୁବନେଶ୍ୱର- ପୁଣି ନୂଆ ୨୧୦ କରୋନାପଜିଟିଭ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୩୬ ଜଣ ସ୍ଥାନୀୟ ସଂକ୍ରମିତ ହୋଇଥିବା ବେଳେ ୧୭୪ ସଙ୍ଗରୋଧ କେନ୍ଦ୍ରର ବୋଲି ରାଜ୍ୟ ସୂଚନା ଓ ଲୋକସଂପର୍କ ବିଭାଗ ସୂଚନା ଦେଇଛନ୍ତି । ଚିହ୍ନଟ ହୋଇଥିବା ନୂତନ ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମରୁ ୫୮, ଖୋର୍ଦ୍ଧା ୪୭, ଗଜପତି ୨୯, ବଲାଙ୍ଗିର ୧୧, ପୁରୀ ଓ ଯାଜପୁରରୁ ୮ ଜଣ ଲେଖାଏଁ, ଢେଙ୍କାନାଳ ଓ ମୟୂରଭଞ୍ଜରୁ ୭ଜଣ ଲେଖାଏଁ,ସୁନ୍ଦରଗଡ ୬, କଟକ ଓ କେନ୍ଦୁଝରରୁ ୫ ଜଣ ଲେଖାଏଁ,ବାଲେଶ୍ୱର ୨, ଦେବଗଡ, ଅନୁଗୁଳ ଓ ସମ୍ବଲପୁରରୁ ଜଣେ ଲେଖାଏଁ ରହିଛନ୍ତି । ସେହିପାରି ବାତ୍ୟା ଅମ୍ପାନରେ ନିୟୋଜିତ ଏନଡିଆରଏଫର ୬ ଜଣ କର୍ମୀ ମଧ୍ୟ କରୋନାରେ ସଂକ୍ରମିତ । ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୫୯୬୨କୁ ବୃଦ୍ଧି ପାଇଛି । ବର୍ତମାନ ପର୍ଯ୍ୟନ୍ତ ୪୧୨୩ ସୁସ୍ଥ ହୋଇଛନ୍ତି ଓ ୧୮୧୫ ସକ୍ରିୟ ମାମଲା ରହିଛି । ୭ ଜଣଙ୍କ ମୃତ୍ୟୁ ହୋଇଛି ।