ଅମୃତସର : ଭାରତୀୟ ବାୟୁସେନାର ଯୁଦ୍ଧ ବିମାନ ମିଗ୍-୨୯ଶୁକ୍ରବାର ପଞ୍ଜାବର ନୱାସହର ଅନ୍ତର୍ଗତ ଚୁହାଡ଼ପୁର ଗାଁ ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ବିମାନ ତଳକୁ ଖସିବା ପୁର୍ବରୁ ପାଇଲଟ ଏମ୍ କେ ପାଣ୍ଡେ ସୁରକ୍ଷିତ ଭାବେ ଆକାଶ ଛତା ଦ୍ୱାରା ବାହାରକୁ ଚାଲି ଆସିଥିଲେ ।ଏବେ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ହସ୍ପିଟାଲରେ ଭର୍ତି କରାଯାଇଛି । ଉଡ଼ାଣର କିଛି ସମୟରେ ଯାନ୍ତ୍ରିକ ତ୍ରୁଟି ଯୋଗୁଁ ବିମାନ ତଳେ ପଡ଼ିବା କ୍ଷଣି ନିଆଁ ଲାଗି ଧ୍ୱଂଶ ହୋଇଯାଇଥିଲା । ଆଜି ସକାଳ ୧୦.୪୫ ମିନିଟ୍ରେ ମିଗ୍-୨୯ ଜଲନ୍ଧର ସ୍ଥିତ ଏୟାର ବ୍ରେସ୍ ରୁ ଟ୍ରେନିଂ ମିଶନରେ ବାହାରିଥଲା । ଦୁର୍ଘଟଣାର ତଦନ୍ତ ପାଇଁ ବାୟୁସେନା ପକ୍ଷରୁ ନିର୍ଦେଶ ଦିଆଯାଇଛି ।