କଂଟାବାଞ୍ଜି: ବଲାଙ୍ଗିର ଜିଲ୍ଲା କଂଟାବାଞ୍ଜି ଏନଏସି କାର୍ଯ୍ୟାଳୟରେ ୧୬ ଟି ୱାର୍ଡରେ ବସବାସ କରୁଥିବା ଭୂମିହୀନ ବସ୍ତି ବାସିନ୍ଦାଙ୍କୁ କଂଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ଜମି ପ୍ରମାଣ ପତ୍ର ବଂଟନ କରିଛନ୍ତି । କଂଟାବାଞ୍ଜି ସହରରେ ବସବାସ କରୁଥିବା ଲୋକମମାନେ ଦୀର୍ଘଦିନ ଧରି ଭୂମିହୀନ ଥିଲେ । ଫଳରେ ଲୋକେ ନାହିଁନଥିବାର ଅସୁବିଧାର ସମ୍ମୁଖୀନ ହେଉଥିଲେ । କଂଟାବାଞ୍ଜି ସହରର ୨୩୬୧ ଜଣ ଚିହ୍ନଟ ଭୂମିହୀନ ବସ୍ତି ବାସିନ୍ଦାଙ୍କ ମଧ୍ୟରୁ ପ୍ରଥମ ପର୍ଯ୍ୟାୟରେ କଂଟାବାଞ୍ଜି ଏନଏସି କାର୍ଯ୍ୟାଳୟର ସଭାଗୃହରେ ୧୫ଜଣଙ୍କୁ ଜମି ପ୍ରମାଣ ପତ୍ର ବଂଟନ କରିଥିଲେ ବିଧାୟକ । ଏହି ସମୟରେ ସମସ୍ତେ କୋଭିଡ ନିୟମ ପାଳନ କରି ମାକ୍ସ ପିନ୍ଧିବା ସହ ସାମାଜିକ ଦୂରତା ଅବଲମ୍ବନ କରିଥିଲେ । ଏହି ଜମି ପ୍ରମାଣ ପତ୍ର ବଂଟନ କାର୍ଯ୍ୟକ୍ରମରେ କଂଟାବାଞ୍ଜି ଏନଏସିର ନିର୍ବାହୀ ଅଧିକାରୀ ସାମି ରେଡ୍ଡୀ ଜୟଶ୍ରୀ, ଏନଏସି କର୍ମଚାରୀ ପ୍ରମୁଖ ଉପସ୍ଥିତ ଥିଲେ । ତେବେ ଆଗାମୀ ଦିନରେ ଭୂମିହୀନଙ୍କୁ ଜମି ପ୍ରମାଣ ପତ୍ର ପ୍ରଦାନ କରାଯିବ ବୋଲି କଂଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା କହିଛନ୍ତି ।