ବଲାଙ୍ଗିର: ବନ୍ଧା ହେଲେ ବଲାଙ୍ଗିର ଶିକ୍ଷା ବିଭାଗର ନିଲମ୍ବିତ କନିଷ୍ଠ କିରାଣୀ ପ୍ରମୋଦ ରଥ । ଦିର୍ଘ ଦିନର ଲୁଚକାଳି ଖେଳ ପରେ ଆଜି ତାଙ୍କୁ ଭିଜିଲାନ୍ସ ଗିରଫ କରିଛି । ଜେରା ବେଳେ ପ୍ରମୋଦଙ୍କ ଘରୁ ୭ଲକ୍ଷରୁ ଉଦ୍ଧ୍ୱର୍ ଟଙ୍କା ଜବତ କରାଯାଇଛି । ଏଥି ସହ ତାଙ୍କ ପାଖରୁ ୬ଟି ବୁଲେଟ ମଧ୍ୟ ମିଳିଛି । ସୂଚନାନୁସାରେ , ବର୍ଷକ ତଳେ ନିଲମ୍ବିତ କିରାଣୀଙ୍କ ନାଁରେ ଜାଲ୍ କାଗଜପତ୍ରରେ କୋଟି କୋଟି ଟଙ୍କା ହଡପ କରିନେଇଥିବା ନେଇ ଅଭିଯୋଗ ହୋଇଥିଲା ।ଏହାପରେ ଶିକ୍ଷା ବିଭାଗ ଘଟଣାର ତଦନ୍ତ ଆରମ୍ଭ କରିଥିଲେ ।ତଦନ୍ତ ପରେ କନିଷ୍ଠ କିରାଣୀ ପ୍ରମୋଦ ର୍ଥ ଏବଂ ବିଇଓ ରିଚପାଲ ସାଗରଙ୍କୁ ନିଲମ୍ବିତ କରିଥିଲା ଶିକ୍ଷା ବିଭାଗ । ସେପଟେ ଭିଜିଲାନ୍ସ ବିଭାଗ ମଧ୍ୟ ଦୀର୍ଘ ଦିନ ଧରି ତଦନ୍ତ କରିଥିଲା । ଶେଷରେ ଆଜି କିରାଣୀ ପ୍ରମୋଦ ରଥଙ୍କୁ ଭିଜିଲାନ୍ସ ଗିରଫ କରିଛି ।