ଚଣ୍ଡିଗଡ: ହରିୟାନା ସରକାର ଭାରତୀୟ ରେସଲର ବବିତା ଫୋଗାଟ ଏବଂ କବାଡି ଖେଳାଳି କବିତା ଦେବୀଙ୍କୁ କ୍ରୀଡା ଏବଂ ଯୁବ ବ୍ୟାପାର ବିଭାଗର ଡେପୁଟି ଡାଇରେକ୍ଟର ଭାବେରେ ନିଯୁକ୍ତି କରିଛନ୍ତି । ଉଭୟ ଆଥଲେଟ୍ ଏହି ପଦ ପାଇଁ ଆବେଦନ କରିଥିଲେ । ହରିୟାନା ସରକାରଙ୍କ କ୍ରୀଡା ଏବଂ ଯୁବ ବ୍ୟାପାର ବିଭାଗର ମୁଖ୍ୟ ସଚିବ ଜୁଲାଇ ୨୯ ରେ ଫୋଗେଟ୍ ଏବଂ ଦେବୀଙ୍କୁ ନିଯୁକ୍ତି ସମ୍ପର୍କରେ ନିର୍ଦ୍ଦେଶ ଜାରି କରିଥିଲେ । ଫୋଗେଟ୍ ଏବଂ ଦେବୀଙ୍କୁ ହରିୟାଣା ଉଲ୍ଲେଖନୀୟ କ୍ରୀଡାବିତ୍ ନିୟମ, ୨୦୧୮ ଅନୁଯାୟୀ ନିଯୁକ୍ତି କରାଯାଇଛି । ଏହି ନିଯୁକ୍ତି ପରେ ଫୋଗାଟ ଟ୍ୱିଟରରେ ହରିୟାଣାର ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଏବଂ ହରିୟାଣା କ୍ରୀଡା ମନ୍ତ୍ରୀ ସନ୍ଦୀପ ସିଂଙ୍କୁ ଧନ୍ୟବାଦ ଜଣାଇଥିଲେ ।