ଭୁବନେଶ୍ୱର: ଖଣ୍ଡଗିରି ଥାନା ଅନ୍ତର୍ଗତ ଡ଼ୁମୁଡୁମା ଅଂଚଳର ଓଏଫଏସ୍ ଅଫିସର ଅଭିଳାଷ ସ୍ୱରୂପ ମହାପାତ୍ରଙ୍କ ସନ୍ଦେହଜନକ ମୃତ୍ୟୁ ହୋଇଛି । ପାରିବାରିକ କଳହରୁ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ଓଢଣୀରେ ଝୁଲନ୍ତା ଅବସ୍ଥାରେ ମୃତଦେହ କୁ ଦେଖିବା ପରେ ସନ୍ଦେହ ବଢିଯାଇଛି । ସୋମବାର ଅଭିଳାଷ ଚାକିରିରେ ଯୋଗ ଦେଇଥାନ୍ତେ । ଅଭିଳାଷ ତାଙ୍କ ପତ୍ନୀଙ୍କ ସହ ଡୁମୁଡୁମାରେ ରହୁଥିଲେ । ପରିବାର ସଦସ୍ୟଙ୍କ ସହ କଳହ ପରେ ସେ ନିଜକୁ ଏକ ରୁମରେ ବନ୍ଦ କରିଦେଇଥିଲେ । କବାଟ ବାଡେଇ ଡାକିବାରୁ ସେ ନ ଶୁଣିବାରୁ ପରିବାର ଲୋକେ କବାଟ ଭାଙ୍ଗିଥିଲେ । ଘର ଭିତରୁ ଝୁଲନ୍ତା ଅବସ୍ଥାରେ ତାଙ୍କ ମୃତ ଦେହକୁ ପୁଲିସ ଉଦ୍ଧାର କରିଛି । ଖଣ୍ଡଗିରି ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।